काठमाडौं । नेपाली कांग्रेस केन्द्रीय सदस्य लड्ने पत्रकारले राजीनामा दिनु भएको छ । पत्रकार महासंघकी केन्द्रीय उपाध्यक्ष बाला अधिकारीले पत्रकार महासंघको जिम्मेवारीमा नरहने घोषणा गर्नुभएको हो ।
गृहजिल्ला ओखलढुंगाबाट नेपाली कांग्रेसको महाधिवेशन प्रतिनिधि बनेपछि उहाँले सोमबार सामाजिक सञ्जालमार्फत् पदबाट राजीनामा दिएको घोषणा गर्नुभएको हो । आफू राजनीतिमा सक्रिय भएकाले महासंघको उपाध्यक्षबाट राजीनामा दिएको उहाँले उल्लेख गर्नुभएको छ ।
पत्रकारहरू पनि दलहरूको अधिवेशनमा धमाधम उम्मेदवार बन्न थालेपछि महासंघले आफ्ना सदस्यहरूलाई पत्रकारिता वा राजनीतिमध्ये एउटा रोज्न भनेको थियो । सोही अनुसार उहाँले राजीनामा दिनुभयो ।
उहाँ नेपाली कांग्रेसको १४ औँ महाधिवेसनमा गृहजिल्ला ओखलढुंगाबाट महाधिवेसन प्रतिनिधि हुनु भएको छ । अधिकारी नेपाली कांग्रेसको १४ औँ महाधिवेसनमा केन्द्रीय सदस्य पदमा उम्मेदवारी दिने तयारीमा हुनुहुन्छ । यस्तो छ अधिकारीको फेसबुक स्टाटस :