जनबोली न्यूज नेटवर्क
नेपाल राष्ट्र बैकको नियन्त्रणमा रहेको नेपाल क्रेडिट एण्ड कमर्श बैंकले चालु आर्थिक बर्षको दोस्रो त्रैमासमा गत आर्थिक बर्षको सोही अबधिको तुलनामा साढे ५५ प्रतिशतले खुद नाफा बढाएको छ । बैंकले ब्याज आम्दानी साढे १६ र संचालन नाफा २५ प्रतिशतले बढाउनुका साथै डुबेको ऋण उठाएर ८ करोड जोखिम ब्यहोर्ने कोषबाट नाफामा सारेको छ ।
एनबी समूहको कारणले समस्या परेको बैंकलाई राष्ट्र बैंकले नियन्त्रणमा लिई निस्क्रिय कर्जा असुली तीब्र पारेको छ ।
बिनु श्रेष्ठको शेयर बिक्री प्रकरण नसुल्झिएका कारण साधारणसभा आयोजना गर्न नसकेको एनसीसीले लगानीकर्तालाई ३७ प्रतिशत बोनस शेयर दिने घोषणा गरेको् छ । गत आर्थिक बर्षको खुद नाफाबाट लाभांश बाड्न नपाएपछि बैंकको जगेडा कोषमा साढे ४७ प्रतिशतले रकम बढोत्तरी भई एक अर्ब ४३ करोड पुगेको छ । बैंकले निस्क्रिय कर्जा अनुपातलाई पनि घटाएको छ । बैंकको प्रति शेयर आम्दानी २८.४९ रुपैयाँ छ ।
