इटहरी । नेकपा (एकीकृत समाजवादी) का अध्यक्ष माधवकुमार नेपालले मूर्तिलाई नढोग्नेहरुले ‘आई लभ यू केपी बा’ भनिरहेको टिप्पणी गर्नुभएको छ ।

आइतबार सुनसरीको इटहरीमा आयोजित अनेरास्ववियू प्रदेश १ को अधिवेशन उद्घाटन गर्दै अध्यक्ष नेपालले मूर्तिलाई नढोग्नेहरुले ‘आई लभ यू केपी बा’ भनेर पूजा गरिरहेको ब्यांग्य गर्नुभएको हो ।

अध्यक्ष नेपालले १५ वर्षसम्म आफ्नो मातहतमा रहेकाहरुले नै आफ्नो निवेदन र आग्रह नसुनेको गुनासो समेत गर्नुभयो ।

अध्यक्ष नेपालले भन्नुभयो ‘ दम्भी मान्छे, निरंकुश चरित्रको मान्छे, कुनै पार्टीमा नेता भइसकेपछि पार्टी पूरै कब्जामा लिन्छ ।

केपीका हनुमानहरु मात्रै बस्ने स्थिति भयो । केपीका भजनमण्डलीको मात्रै त्यहाँ ठाउँ रह्यो । ओली सुन्ने खालका मान्छे नै होइनन् ।

म जस्तो मान्छेको कुरा नसुन्ने मान्छेले तपाईंहरुको कुरा सुन्ला ? १५ वर्ष मैले पार्टी हाँके महासचिव भएर, १५ वर्षसम्म मेरो अन्डरमा बसे केपी ओली, मेरो कुरा त उनले टेरेनन् भने अरुको कुरा कसरी सुनुन् ।

बैठक बोलाइदिनुहोस्, भन्ने निवेदन लिएर जाँदा उनले निवेदनमा तोक लगाइदिन्छु भने । निवेदनमा तोक लाग्छ, यो सरकारी काम हो ?’

भन्दै विगत सम्झिनुभएका नेपालले ओलीको चर्को आलोचनामा समय विताउनुभयो ।

आजका चर्चित पोष्टहरु क्लिक गरेर पढ्नुहोस्

सम्बन्धित खबरहरु