काठमाडौ । बंगलादेशमा भएको बंगबन्धु शेख मुजीव ढाका म्याराथनमा नेपाली धावक पुष्पा भण्डारीले कास्य पदक जितेकी छन् ।
दक्षिण एसियाली क्याटेगोरीतर्फ पुष्पा तेस्रो भएकी हुन् । यसअघि गत वर्ष पुष्पाले यही क्याटेगोरीमा स्वर्ण जितेकी थिइन् ।
तर यस पटक भारतीय खेलाडीहरुसँग पछि पर्दै पुष्पा तेस्रो भइन् । पुष्पाले निर्धारित दूरी २ घण्टा ५५ मिनेट ३५ सेकेण्डमा पूरा गरिन् ।
उनले गत वर्ष निर्धारित दूरी २ घण्टा ५९ मिनेट ४१ सेकेण्डमा पूरा गरेकी थिइन् । पुष्पाले टाइमिङ सुधार गरे पनि स्वर्ण रक्षा गर्न सकिनन् ।
नेपाली टिमका प्रशिक्षक चन्द्र गुरुङले यस पटक भारतका धावकहरु राम्रो रहेको बताए ।
आजका पपुलर पोष्ट शीर्षकमा क्लिक गरेर पढ्न सक्नुहुनेछ ।
- पृथ्वी जयन्तीमा सार्वजनिक विदा दिने निर्णय [ सूचनासहित ]
- बलिउड अभिनेत्री ज्याकलिन फर्नान्डेजका गोप्य अन्तरंगका तस्विर लिक [ तस्विरसहित ]
- माताले झारफुकमा मारेकी १४ वर्षीया बालिकाको टाउको, ढाड, नितम्बमा त्रिशूलका प्वाल
- नेपालमा भेटिए दुई प्रजातिका नयाँ चरा
- बर्ष २०२२ मा शुक्रले यी ४ राशिलाई बनाउनेछ मालामाल, यी २ राशिलाई अति समस्या
- जनवरी १४ मा ठूलो घटना हुन गइरहेको छ, तपाईको राशि प्रभावित हुनेछ
- यी ४ राशिका मानिसहरु हुन्छन् सबैभन्दा रिसाहा, सानो कुरामा हुनेछन् झगडा गर्न तयार
- म्यादी प्रहरीमा लाखौ संख्यामा भर्ना, कति पढेकाले पाउँछन् अवशर ?
- न्युयोर्कको विशाल अपार्टमेन्टमा भीषण आगलागी : १९ जनाको मृत्यु, कयौँ गम्भिर घाइते
भारतकी आरती दत्तात्रय पाटिलले २ घण्टा ५३ मिनेट २८ सेकेण्डमा दौड पूरा गर्दै स्वर्ण जितिन् भने भारतकै ज्योती गवाटेले २ घण्टा ५४ मिनेट १५ सेकेण्डमा दूरी पूरा गर्दै रजत जितिन् ।
नेपाली पुरुष खेलाडीले पदक जित्न सकेनन्
यस्तै नेपालका दुई पुरुष खेलाडीले पनि दक्षिण एसियाली कोटामा प्रतिस्पर्धा गरेका थिए । तर उनीहरुले कुनै पदक जित्न सकेनन् ।
नेपालका किरण सिंह बोगटी २ घण्टा २३ मिनेट ४३ सेकेण्डमा दौड पूरा गर्दै पाँचौं स्थानमा रहे । शीर्ष चारमा भारतीय खेलाडीकै पकड रहँदा बुगाथा स्रिनुले २ घण्टा १६ मिनेट २६ सेकेण्ड समयसहित स्वर्ण जिते ।
प्रशिक्षक गुरुङले किरण र अर्का खेलाडी नरेन्द्र सिंह रावतले राम्रो समय निकालेको तर पदक जित्न भने नसकेको बताए ।