काठमाडौं । अन्नतः नर्क जाने ढोका बन्द भएको छ । स्वर्ग र नर्कबारे पुराना ग्रन्थहरुमा उल्लेख गरिएको छ । स्वर्गमा सबै कुरा राम्रो हुन्छ भनिन्छ ।

तर नर्कमा सबै कुरा नराम्रो हुन्छ भनिन्छ । यो बीचमा वर्षौदेखि पृथ्वीमा एक यति ठूलो खाडल पनि छ, जसलाई नर्कको उपमा दिइयो । पृथ्वीमा रहेको नर्कको ढोका चाँही मध्य एसियाली देश तुर्कमेनिस्तानको मरुभूमिमा अवस्थित छ । यसलाई नर्कसँग तुलना गरिन्छ ।

तर यो सत्य हो कि विगत पचास वर्षदेखि त्यस खाडलबाट आगोको ज्वाला निस्किरहेको छ । यो बीचमा अब त्यहाँको सरकारले उक्त ढोका बन्द गर्न लागेको खबर बाहिर आएको हो ।

वास्तवमा तुर्कमेनिस्तानको कर्कुम मरुभूमिमा रहेको यो २२९ फिट चौडा खाडलबाट लगातार ग्यास निस्किरहेको छ ।

यो खाडल पचास वर्षअघि खनिएको थियो । बीबीसीको रिपोर्टका अनुसार तुर्कमेनिस्तानका राष्ट्रपति गुरबांगुली बर्दिमुखामेदोभले अधिकारीहरूलाई आगो निभाउन र खाडल बन्द गर्नका लागि हदैसम्मको प्रयासहरू सुरु गर्न आदेश दिएका छन् ।

यही कारणले गर्दा यो खाडल फेरि चर्चामा छ । विश्वभरका मानिसहरूले यसको नाम सुनिरहेका छन् । रिपोर्टका अनुसार सन् १९७१ मा सोभियत संघ (वर्तमान रूस) का वैज्ञानिकहरूले काराकुम मरुभूमिमा कच्चा तेलको भण्डार खोजिरहेका थिए ।

त्यहाँ उनीहरूले प्राकृतिक ग्यासको भण्डार फेला पारे, तर खोजीका क्रममा त्यहाँको जमिन भासियो । त्यसपछि त्यस क्षेत्रमा तीनवटा ठूला खाल्डा बनेका थिए । खाडलबाट मिथेन ग्याँस निस्कने जोखिम थियो ।

आजका पपुलर पोष्ट शीर्षकमा क्लिक गरेर पढ्न सक्नुहुनेछ ।

त्यसलाई रोक्न वैज्ञानिकहरूले मिथेन निस्कने खाल्डोमा आगो लगाए । तर वैज्ञानिकहरुलाई त्यस क्षेत्रमा भएको ग्याँस भण्डारबारे कुनै अनुमान थिएन् । त्यसकारण आगो निभ्न सकेन् । त्यसपछि पनि तत्कालिन सोभियत संघका वैज्ञानिकहरुले त्यहाँ आएर खोज अनुसन्धान नगरेका होईनन् । तर कुनै उपाय लगाउन सकिएन् ।

त्यसपछि सन् १९९१ मा सोभियत संघ नै फुट्यो । मध्य एसियामा नयाँ देशहरुको निर्माण भयो, जसमा तुर्कमेनिस्तान पनि एक हो । त्यसयता यो खाडलबाट आगो निस्किरहेको छ । जहाँ यो अवस्थित छ, त्यहाँ दरवाजा (ढोका) नामक ठाउँ छ । त्यसैले यस खाडललाई दरवाजा ग्यास क्रेटर पनि भनिन्छ । कतिपयले यसलाई नर्कको ढोका पनि भन्छन् ।

सन् २०१० मा पनि विज्ञहरुले यो खाडलमा माटो भरेर आगो निभाउने प्रयास गरेका थिए तर हुन सम्भव भएन् । त्यसबेलादेखि यो खाडल प्रसिद्ध छ । यो पर्यटनको केन्द्र पनि हो ।

दशकौंदेखि जलिरहेको खाल्डो हेर्न मानिसहरु जान्छन् । हाल तुर्कमेनिस्तानका राष्ट्रपति गुरबांगुलीले यो खाडलबाट वातावरणीय क्षति र धनको नोक्सानी भएको भन्दै यसलाई बन्द गर्ने आदेश दिएका हुन् । अब यसलाई कसरी र कति समयसम्म समेट्न सकिन्छ, त्यो हेर्न बाँकी छ ।

जनबोली अनलाइन टेलिभिजनको च्यानल janaboli मा रहेका उत्कृष्ट, रोमाञ्चक र सबैले मन पराएका भिडियोहरु हेर्न चाहानुहुन्छ भने यहाँ क्लिक गर्नुहोला । च्यानलमा गइसकेपछि Subscribe गरेर नजिकैको घण्टीमा थिच्नुभयो भने, भिडियो अपलोड गर्न साथ नि:शुल्क भिडियो हेर्न पाउनेगरी तपाईको मोबाईलमा नोटिफिकेशन आउँनेछ ।

सम्बन्धित खबरहरु