काठमाडौ । राष्ट्रपति विद्यादेवी भण्डारीले पृथ्वीनारायण शाहले देशको सामाजिक, आर्थिक एवं वैदेशिक नीति आज पनि उत्तिकै मननीय रहेको बताउनुभएको छ ।
पृथ्वीनारायण शाहको ३००औँ जन्म जयन्ती तथा राष्ट्रिय एकता दिवसको अवसरमा उहाँप्रति श्रद्धासुमन अर्पण गर्दै राष्ट्रपति भण्डारीले पृथ्वीनारायणका दूरदर्शी विचारहरूलाई आत्मसात् गर्दै अघि बढ्नसके मुलुकको सामाजिक–आर्थिक रूपान्तरणमा योगदान पुग्न विश्वास व्यक्त गर्नुभयो ।
मंगलबार शुभकामना सन्देश जारी गर्दै राष्ट्रपति भण्डारीले पृथ्वीनारायणको नेतृत्वमा तराई, पहाड र हिमालका नागरिकले नेपाल राष्ट्रको भौगोलिक र भावनात्मक एकीकरणमा ठूलो योगदान गरेको तथ्य इतिहासमा अंकित रहेको उल्लेख गर्नुभयो ।
‘देशभक्तिको भावनाले ओतप्रोत हाम्रा पूर्वजको गौरवपूर्ण योगदान र सचेत प्रयत्नका कारण नेपाल सदैव स्वाधीन र सार्वभौम राष्ट्रको रूपमा रहेको छ। तत्कालीन गोरखाका राजा पृथ्वीनारायण शाहको नेतृत्वमा तराई, पहाड र हिमालका नागरिकले नेपाल राष्ट्रको भौगोलिक र भावनात्मक एकीकरणमा ठूलो योगदान गरेको तथ्य इतिहासमा अंकित छ,’ जारी सन्देशमा भनिएको छ, ‘नेपाल एकीकरणको अभीष्ट मुलुकभित्र उपलब्ध प्राकृतिक स्रोत तथा सम्पदाको उपयोग गरी आत्मनिर्भर, स्वाधीन र स्वावलम्बी अर्थन्तन्त्रसहितको सबल राष्ट्र निर्माण गर्नु नै थियो।
- अभिनेता अजय देवगन र काजोलकी छोरीका यी ४ तस्विरले बलिउड ततायो, अंग्रेजी केटा को हो ? [तस्विरसहित]
- बलिउड अभिनेत्री ज्याकलिन फर्नान्डेजका गोप्य अन्तरंगका तस्विर लिक [ तस्विरसहित ]
- कक्षा १० मा पढ्दा नै होस्टलमा ४० जना केटाले दैनिक एब्यूज गरे !
- आर्थिक राशिफल : यी राशिलाई आर्थिक लाभ, आफ्नो राशिको अवस्था जान्नुहोस् -२०७८ पुस २७ गते, मंगलवार
- पुष्पा हिट भएपछि रश्मिकाले बढाइन् पारिश्रमिक, अर्को फिल्मका लागि ३ करोड भारु लिने !
- विश्व चकित : यो सही समाचार हो, २८ बर्षीय पुरुषले छोरी जन्माए ! -कसरी सम्भव भयो ?
नेपाल एकीकरणमार्फत् यहाँका मौलिक संस्कृति, भाषा र परम्परालाई संरक्षण गरी सदृढ राष्ट्रिय एकता निर्माण गर्ने फराकिलो आधारभूमि समेत तयार भएको थियो।’
राष्ट्रपति भण्डारीले वीर पुर्खाहरूको बलिदानबाट निर्माण भएको यस मातृभूमिलाई उन्नतिको मार्गमा लैजाने अभिभारा हाम्रो रहेको उल्लेख गर्नुभयो ।
‘यस युगीन दायित्वलाई कार्यरूपमा उतार्दै मुलुकको राष्ट्रियता, राष्ट्रिय एकता र सार्वभौमसत्तालाई अक्षुण्ण राखी ‘समृद्ध नेपाल सुखी नेपाली’ को साझा राष्ट्रिय संकल्प पूरा गर्न आजका दिनले प्रेरणा प्रदान गर्नेछ भन्ने विश्वास लिएको छु,’जारी सन्देशमा भनिएको छ।