जनबोली न्यूज नेटवर्क
काठमाडौं । भारत, बिहारको राजधानी पटनामा १० रुपैयाँको कपलाई लिएर सुरु भएको विवादमा गोली चलेको छ ।
पटनामा एक चिया विक्रेताको छातीमा गोली दागिएको हो । गम्भीर अवस्थामा रहेका उनको उपचार भइरहेको छ । घटना कंकरबाग थाना क्षेत्रको हो । घाइते पसलेको नाम सुनिल मेहता उर्फ काली हो ।
पीसी कोलोनीस्थित सत्यम पार्क नजिकै उनको महादेव चिया पसल नामको पसल छ । सुनिल र उनको परिवार चिया पसलबाट केही कदम टाढाको झुपडीमा बस्छन् । सुनिल सोमबार साँझ पसलमा थिए ।
उनकी श्रीमती त्यहाँ झाडु लगाउँदै थिइन् । त्यसपछि त्यहाँबाट गइरहेका युवक चियाको कपमा ठोक्किए र १० रुपैयाँको कप फुट्यो । त्यसैलाई लिएर विवाद भयो । यसमा पसलेकी श्रीमतीले कडा आपत्ति जनाइन् ।
त्यसपछि ती युवकले महिलालाई दुव्र्यवहार गरेका हुन् । त्यसपछि बिचमा आएर श्रीमान सुनिललाई कुटपिट गरेका हुन् । कुटपिटको घटना देखेर घटनास्थलमा मानिसको भीड जम्मा भएको थियो । त्यतिबेला सबै मानिसहरु त्यहाँबाट भागेका थिए ।
केही समयपछि तीनजना लुटेरा बाइकमा फर्किए । त्यसपछि चिया पसलमा सुनिललाई निशाना बनाइएको हो । उनको परिचय सोध्दा उनले पेस्तोल निकालेर सीधा छातीमा दावेर भागेका हुन् । गोली चल्नेबित्तिकै घटनास्थलमा हलचल मच्चियो ।
श्रीमती, बहिनीसँगै वरपरका मानिसहरू पनि आइपुगे । पहिले नजिकैको निजी अस्पतालमा लगियो । उनको अवस्था नाजुक भएकाले उनलाई थप उपचारका लागि पीएमसीएच लगियो ।
कंकरबागका एसएचओ रविशंकरका अनुसार यस विषयमा अनुसन्धान सुरु गरिएको छ । टोलीले घटनास्थलमा गएर अनुसन्धान गरेको थियो । त्यसअघि पनि चिया पसल र गोली चलाउनेबीच झगडा भएको थियो ।
अहिले सम्पूर्ण घटनाको अनुसन्धान भइरहेको छ । घटनास्थल वरपर जडान गरिएका सिसिटिभीको फुटेज जाँच गरी दोषी पत्ता लगाउने काम भइरहेको छ ।