जनबोली न्यूज नेटवर्क
काठमाडौं । एउटी युवतीलाई उनका पूर्व प्रेमीले यति नराम्रोसँग कुटपिट गरे कि ३ वर्ष बितिसक्दा पनि अनुहारमा गहिरो घाउ देखिन्छ ।
उनको अनुहारमा भएको घाउ अब जीवनभर हट्ने छैन । यस प्रकरणमा युवतीका पूर्व प्रेमीलाई सजाय पनि दिइएको थियो ।
तर अहिले उनी जेलमुक्त भइसकेका छन् । जसकारण युवती पुनः डराएकी छिन् । उनले न्याय प्रणालीमाथि प्रश्न उठाइरहेकी छिन् ।
युवतीको नाम जोर्डना रदरफोर्ड हो । उनी स्कटल्याण्डको पश्चिम लोथियनमा बस्छिन् । सन् २०१९ को कुरा हो । उनी १७ वर्षकी थिइन् । त्यसपछि उनका प्रेमी विलियम वेयरले उनलाई निकै नराम्रोसँग कुटेका थिए । जोर्डना अहिले २० वर्षकी भइन् ।
तर त्यो पीडा उनी अझै महसुस गरिरहेकी छिन् । त्यही कारणले उनले आफ्नो ज्यानसमेत लिने प्रयास गरेकी थिइन् । वास्तवमा, वेयर र जोर्डना कन्सर्टमा सहभागी हुन गएका थिए ।
त्यस क्रममा वेयर अर्की केटीसँग रोमान्स गरिरहेको देखियो । जोर्डनले द डेली रेकर्डसँगको कुराकानीमा उनले आफ्नो कुरा बताएकी हुन् । २० वर्षीया जोर्डनाले भनिन्, ‘मैले वेयरलाई मेरो अगाडि अर्की केटीलाई चुम्बन गरिरहेको देखें । उसले अत्याधिक रक्सी पिएको थियो ।
उसले अश्लील काम गर्यो । त्यसपछि म उसलाई एक्लै छाडेर होटल गएँ । केही समयपछि उ पनि फर्कियो । मैले उसलाई भनेँ–म अलग हुन चाहन्छु । यसैमा उनी आक्रामक भए ।’
जोर्डनले थप्दै भनेकी छिन्, ‘सुरुमा उसले म आत्महत्या गर्छु भन्यो, त्यसका लागि केही घिनलाग्दो तरिका पनि अपनायो । ऊ असफल भयो । त्यसपछि उसले ममाथि आक्रमण गर्यो । वास्तवमा, म उसलाई वेयरको जुत्ता खोल्न मद्दत गर्नको लागि झुकेकी थिएँ ।
त्यसपछि उसले मलाई कडा धक्का दियो ।’ २० वर्षीया युवतीले अगाडि भनिन्, ‘म त्यतिबेला निकै दुब्लो थिएँ । उसको झट्काले म कोठाको अर्को भागमा पुगें । त्यसपछि ऊ ममाथि आयो । उसले मेरो कपाल तानेर मेरो टाउकोमा केहि प्रहार गर्न थाल्यो । त्यो बेलासम्म म बेहोस भइसकेकी थिएँ ।
टाउकोमा लागेको घाउले दिनहुँ त्यो रातको सम्झना गराउँछ ।’ जोर्डना भन्छिन्, ‘जब होश आयो, म रगतले लतपतिएकी थिएँ । मलाई धेरै पीडा भयो । म धेरै डराएकी थिएँ । प्रहरी मेरो साथमा थियो । तर वेयर कतै देखिएनन् ।
प्रहरी नपुग्दै उनी त्यहाँबाट भागेका थिए ।’ जोर्डनले भनेकी छिन्, ‘जब म त्यो रातको बारेमा सोच्छु, म डरले भरिन्छु । म अझै पनि शारीरिक र मानसिक रुपमा टुटेकी छु । त्यो रात मेरो लागि दुःस्वप्न जस्तै छ । मेरो टाउकोमा भएको घाउले मलाई त्यो रातको याद दिलाउँछ ।’
तर, पछि वेयरलाई पक्राउ गरिएको थियो । उनीमाथि जोर्डनालाई धकेल्ने, कपाल समातेर टाउकोमा हिर्काएको लगायत आरोप लगाइएको थियो । दुई दिनभित्रै उनी दोषी प्रमाणित भएका हुन् । उनलाई दुई सय घण्टा बेतलबी काम गर्ने र करिब १ लाख ३२ हजार क्षतिपूर्ति दिने सजाय सुनाइएको थियो ।
वेयर जेलबाट बाहिर आयो, जोर्डन छक्क परे अब वेयर जेलबाट बाहिर छन् । यो खबर पाएपछि जोर्डना त्रसित छिन् । उनले भनिन्, ‘म वेयरलाई वर्षौं जेलमा हाल्न चाहन्थें । उसले मेरो जीवन बर्बाद गरेको छ ।
उसलाई सजाय बिना छोडिँदैछ ।’ जोर्डनका अनुसार उनलाई घरबाट बाहिर निस्कन डर लाग्छ । अन्तिम पटक कुराकानी गर्दा आफूलाई अपमानजनक सन्देश पठाएको पनि उनले बताइन् ।
जोर्डनाले स्कटल्याण्डको न्याय प्रणालीमाथि पनि प्रश्न उठाएकी छिन् । उनी भन्छिन्, ‘लाखौं रुपैयाँको लागुऔषधसहित पक्राउ परे वर्षौंसम्म जेल बस्छ । वेयरले मेरो जीवन बर्बाद गर्यो र ऊ भाग्यो । पुरै व्यवस्था नै भ्रष्ट छ भन्ने मेरो मान्यता हो ।’