काठमाडौं । भारतीय प्रधानमन्त्री नरेन्द्र मोदी राष्ट्रिय पञ्चायती राज दिवसको अवसरमा आइतबार जम्मू कश्मीर पुगेका छन् ।

अनुच्छेद ३७० खारेज भएपछि उनको यो पहिलो जम्मू कश्मीर भ्रमण हो ।

प्रधानमन्त्री मोदी जम्मुको साम्बा जिल्लाको पल्ली पञ्चायत पुगेका हुन् । त्यहाँ उनले भारु २० हजार करोड रुपैयाँको विकास परियोजनाको शिलान्यास र उद्घाटन गरेका छन् ।

यस अवसरमा उनले देशका सबै ग्राम सभाहरूलाई सम्बोधन गरे । आफ्नो भाषणको क्रममा मोदीले २० हजार करोडको परियोजनाको उद्घाटन र शिलान्यास गरिएको बताए ।

यी प्रयासहरूले जम्मू कश्मीरका युवाहरूलाई रोजगारी प्रदान गर्ने उनको बुझाई रहेको छ । उनले भने, ‘केन्द्र सरकारका योजनाहरू अहिले यहाँ सिधै लागू भइरहेका छन्, जसले यहाँका गाउँहरूलाई फाइदा पुगेको छ ।

एलपीजी जडान होस् वा शौचालय, यो यहाँका मानिसहरूलाई सिधै उपलब्ध छ । आगामी २५ वर्षमा जम्मू कश्मीरले विकासको नयाँ कथा लेख्नेछ ।’

उनले थप्दै भने, ‘पछिल्लो सात दशकमा १७ हजार करोड रुपैयाँ मात्रै निजी लगानी भएको थियो, तर दुई वर्षमा ३८ हजार करोड रुपैयाँ लगानी भएको छ । निजी कम्पनीहरू यहाँ आउने गरेका छन् ।

लगानीकर्ताहरू यहाँ लगानी गर्न खुला दिमागका साथ आउँदैछन् ।’ प्रधानमन्त्री मोदी अगाडि भन्छन्, ‘सरकारी फाइल दिल्लीबाट चल्ने गर्दथ्यो र जम्मू कश्मीर पुग्न दुई–तीन हप्ता लाग्थ्यो ।

तर अब तीन हप्ता भित्रमा सोलार प्लान्ट जडान भएकोमा म खुसी छु । काम गर्ने तरिकामा भएको यो परिवर्तनले जम्मू कश्मीरलाई नयाँ उचाइमा पुर्‍याउनेछ ।

म जम्मू–कश्मीरका युवाहरूलाई ममाथि विश्वास गर्न आग्रह गर्दछु ।’ युवाहरुलाई सम्बोधन गर्ने क्रममा उनले भने, ‘उपत्यकाका युवाहरु, तिम्रा हजुरबा हजुरआमा, आमाबुवा, हजुरबा हजुरआमा, तिमीले जिउनु पर्ने कष्टपूर्ण जीवन म तिमीलाई जिउन दिन्न ।

म तिमीलाई विश्वास दिलाउन आएको हुँ । विगत आठ वर्षमा हाम्रो सरकारले ‘एक भारत श्रेष्ठ भारत’ लाई बलियो बनाउने काम गरेको छ । जब हामी एक भारत श्रेष्ठ भारतको कुरा गर्छौं, हाम्रो ध्यान जोड्ने कुरामा हुन्छ । हामी दुरी कम गर्न चाहान्छौँ । मनको दुरी होस् वा श्रोतको, हाम्रो प्राथमिकता यी सबै हटाउनु हो ।’

सम्बन्धित खबरहरु