जनबोली न्यूज नेटवर्क
रुपन्देही । बुटवल उपमहानगरमा गठबन्धनको तर्फबाट नेपाली कांग्रेसका खेलराज पाण्डेय जित नजिक हुनुहुन्छ ।
त्यहाँ एमालेले उपमहानगर गुमाउने लगभग पक्का भएको छ ।
३५ सय मत गन्न बाँकी रहँदा पाण्डेय निकटतम प्रतिस्पर्धी नेकपा एमालेका बाबुराम भट्टराई भन्दा झण्डै ७ हजार मतले अगाडि हुनुहुन्छ ।
२०४९ पछि पहिलो पल्ट नेपाली कांग्रेसले बुटवलमा जित निश्चित गरेको हो । उपमेयरमा एमालेकी सावित्रा अर्याल पनि जित नजिक हुनुहुन्छ ।
झण्डै १० हजार ३ मत खसेको बुटवल–११ को अब ३५ सय मत मात्रै गन्न बाँकी छ ।
कांग्रेसका पाण्डेयले २५ हजार ६ सय १२ र एमालेका भट्टराईले १८ हजार ६ सय ५९ मत प्राप्त गर्नुभएको छ ।