जनबोली न्यूज नेटवर्क
काठमाडौं । योजनावद्ध तरिकाले एक जना चर्चित मोडलको अश्लील भिडियो देखाएर पैसा असुल्न खोज्नेहरु पक्राउ परेका छन् ।
भिडियो देखाएर ७ करोड रुपैयाँको बार्गेनिङ गर्नेहरु समातिएका हुन् ।
ती मोडलका प्रेमीसँगको अश्लील भिडियो हात पारेपछि उनीहरुले ब्ल्याकमेल गर्न खोजेका हुन् ।
भिडियो सार्वजनिक गरिदिने भन्दै धम्की दिएर बार्गेनिङ गरेको उजुरीका आधारमा प्रहरीले ७ जनालाई नियन्त्रणमा लिएको छ ।
काठमाडौं उपत्यका अपराध अनुसन्धान कार्यालयका अनुसार योजनावद्ध तरिकाले पिडितलाई पटक–पटक फोन गरी तथा प्रत्यक्ष भेटी डर, धम्की तथा त्रास देखाई ७ करोड मागेका थिए ।
सोही सूचनाको आधारमा अनुसन्धान कार्यालयबाट खटिएको विशेष अनुसन्धान टोलीले बिहीबार ७ जनालाई समातेको हो ।
काठमाडौं उपत्यकाका विभिन्न स्थानबाट सुजन आचार्य समेत ७ जना व्यक्तिहरूलाई पक्राउ गरिएको छ ।
उनीहरुविरुद्ध आपराधिक लाभ मुद्दामा थप अनुसन्धान थालिएको छ । थप अनुसन्धानका लागि सबैलाई जिल्ला प्रहरी परिसर पठाईएको छ । यी हुन् पक्राउ परेका व्यक्तिहरू :
- १. नाम : सुजन आचार्य
उमेर : २१ बर्ष
ठेगाना : त्रियुगा-१०, उदयपुर हाल का.जि.गोठाटार - २. नाम : टेक वि.क.
उमेर : २९ बर्ष
ठेगाना : सान्नित्रिवेणी-०८, कालिकोट हाल का.जि.बुढानिलकण्ठ - ३. नाम : धर्मराज थापा
उमेर : २९ बर्ष
ठेगाना : खप्तडछान्ना-०७, बझाङ हाल का.जि.कोटेश्वर - ४. नाम : उमेश भण्डारी
उमेरः ३३ वर्ष
ठेगाना : तेमाल-०२, काभ्रेपलाञ्चोक हाल का.जि.कांडाघारी - ५. नाम : बसन्ता खनाल
उमेर : २९ बर्ष
ठेगाना : गुल्मी धुरकोट-०२, हाल : का.जि.रातोपुल - ६. नाम : सुरज शर्मा
उमेर : ३२ बर्ष
ठेगाना : भरतपुर-११, चितवन हाल का.जि.सिनामंगल - ७. नाम : श्रवण कार्की
उमेर : ३३ बर्ष
ठेगाना : का.म.न.पा.-०९ हाल : का.जि.सिनामंगल