जनबोली न्यूज नेटवर्क
काठमाडौं । गत जेठ १६ गते ०८ः३० बजेदेखि हराएका ७ वर्षीय बालक फेला परेका छन् । प्रहरी बृत्त सिंहदरबारमा झिकाई सोधपुछ गरेर प्रहरीले नाबालकको बुबा रविन गुरुङ्गलाई बालक जिम्मा लगाएको हो ।
बुढानीलकण्ठ नगरपालीका वडा नं. १० ज्योतिनगर स्थित घरमा रंग लगाउने कार्य भई रहेको बेला जेदेन गुरुङ्ग घरको गेटबाट निस्किएका थिए ।
गत जेठ १६ गते काठमाडौं–२९ न्यूप्लाजा स्थित सडकखण्डबाट बा १ ज १९५९ नम्वरको ट्याक्सी चालकले सडकमा हिंडिराखेको बालक फेला पारी प्रहरी बृत्त सिंहदरबारमा बुझाउनुभएको थियो ।
खोजतलास गर्दै रहेको अवस्थामा प्रहरी बृत्त सिंहदरबारमा फेला परेको भन्ने जानकारी पाएकोले नाबालक सम्बन्धी कागजात समेत लिई उपस्थित भएपछि आफन्तलाई बुझाईएको छ ।
यस्तो छ प्रहरीले पठाएको विवरण
बेवारिसे तवरले फेला परेको बर्ष ७ को नाबालकलाई अभिभावकको जिम्मा लगाइएको
मिति २०७९/०२/१६ गते अं.११:०० बजेको समयमा काठमाण्डौ जिल्ला का.म.न.पा वडा नं. २९ न्यूप्लाजा स्थित सडकखण्डबाट बा १ ज १९५९ नम्वरको ट्याक्सी चालकले सडकमा हिंडिराखेको बालक फेला पारी प्रहरी बृत्त सिंहदरबारमा ल्याई बुझाएको ।
निज नाबालकलाई सोधपुछ गर्दा निजले आफ्नो र आफन्तको बारेमा केही नबताएकोले उक्त बालकको हुलियासहितको बिवरण प्रहरी कन्ट्रोल कक्षमार्फत काठमाण्डौ उपत्यकास्थित सम्पूर्ण प्रहरी बृत्त तथा प्रभागहरुमा जानकारी गराइएको ।
प्रहरीद्वारा निज नाबालकलाई खाना खुवाई अभिभावक खोज्ने कार्य निरन्तर जारी राखिएकोमा १६:३० बजेसम्म पनि निजको आफन्त कोही सम्पर्कमा नआएको हुँदा बालबालिका खोजतलास समन्वय केन्द्र (१०४) मा बुझाउन सम्पर्क गर्दा निज नाबालकको अभिभावकले उक्त नाबालक हराएकोले खोजतलासको लागि हुलिया टिपाएको भन्ने जानकारी प्राप्त हुन आएको ।
तत्पश्चात नाबालकको बुबा रविन गुरुङ्गसँग सम्पर्क स्थापित भई निजलाई प्रहरी बृत्त सिंहदरबारमा झिकाई सोधपुछ गर्दा निजको भनाई अनुसार: ‘मिति २०७९/०२/१६ गते अं. ०८:३० बजेको समयमा निजको छोरा बर्ष ७ को जेदेन गुरुङ्ग काठमाण्डौ जिल्ला बुढानीलकण्ठ नगरपालीका वडा नं. १० ज्योतिनगर स्थित घरमा रंग लगाउने कार्य भई रहेको र घरको गेट खुल्ला रहेको अवस्थामा घरबाट निस्की हराएको र खोजतलास गर्दै रहेको अवस्थामा प्रहरी बृत्त सिंहदरबारमा फेला परेको भन्ने जानकारी पाएकोले नाबालक सम्बन्धी कागजात समेत लिई उपस्थित भएको’ ।
नाबालकले समेत निजको बुबालाई चिनेकोले अं. १७:३० बजे प्रहरी बृत्त सिंहदरबारबाट निज नाबालक जेदेन गुरुङ्गलाई निजको बुबा रविन गुरुङ्गको जिम्मा लगाई पठाइएको ।
