काठमाडौं । नेपाली कांग्रेसका महामन्त्रीद्वय विश्वप्रकाश शर्मा र गगन थापाले विदेशमा रहेका नेपालीहरुलाई मताधिकार दिन माग गर्नुभएको छ ।

उहाँहरुले निर्वाचन आयोग नै पुगेर विदेशमा रहेका नेपालीहरुलाई त्यहीबाट मताधिकार दिन तयारी गर्नका लागि आयोगलाई भन्नुभयो ।

कांग्रेस महामन्त्रीद्वय थापा र विश्वप्रकाशले मंगलबार निर्वाचन आयोगका पदाधिकारीहरुलाई भेटेर विदेशमा रहेका नेपालीहरुलाई पनि मतदानको अधिकार दिन माग गर्नुभएको हो ।

भेटपछि महामन्त्री शर्माले ‘नेपाल बाहिर रहेका नेपालीहरुको नोट चल्ने बनाएर मात्र हुँदैन, भोट चल्ने दिन बनाउनुपर्छ भन्ने माग राखेको जानकारी दिनुभयो ।

उहाँका अनुसार सोमबार भएको भेटमा प्रधानमन्त्री शेरबहादुर देउवाले पनि यसमा सकारात्मक जवाफ दिनुभएको थियो । आयोग पनि यसमा सकारात्मक देखिएको छ ।

अर्का महामन्त्री थापाले काठमाडौंमा भइरहेको मतदाता नामावली संकलनलाई व्यवस्थित गर्न आग्रह गरिएको जानकारी दिनुभयो ।

उहाँका अनुसार काठमाडौं जिल्लाका मतदाताका लागि छुट्टै र बाहिरका मतदाता जो, काठमाडौंमा बस्छन्, उहाँहरुका लागि छुट्टै केन्द्र तोकेर नामावली संकलन गर्न आग्रह गरिएको छ ।

आजका चर्चित पोष्टहरु पढ्न यहाँ राखिएको हेडलाईनमा थिच्नुहोस् ।

अघिल्लो पटक जस्तै स्थानीय तहमै नामावली गर्न समेत आयोगलाई आग्रह गरिएको उहाँले बताउनुभयो ।

निर्वाचन आचार संहिता कार्यान्वयनका साथै निर्वाचन खर्च घटाउने विषयमा पनि छलफल भएको महामन्त्री थापाको भनाई थियो ।

सबैको जानकारीको सेयर गर्नुहोस !!

भिडियो हेर्न यहाँ क्लिक गर्नुहोस् । subscribe मा क्लिक गरेपछि सँधै भिडियो हेर्न पाईनेछ । नजिकैको बेल (घण्टि) मा थिचे अपलोड गर्नासाथ पहिलो दर्शक बन्न पाउँनुहुनेछ ।

सम्बन्धित खबरहरु