काठमाडौं । लुम्बिनी प्रदेश स्वास्थ्य तथा परिवार कल्याण राज्यमन्त्री विमलाकुमारी खत्री वलीले अर्काको श्रीमानलाई आफ्नो दावी गरेको, महिला र बच्चामाथी हातपात गरेका घटनामाथि छानबिन गर्न प्रदेश सरकारले गठन गरेको टोली दाङ पुगेको छ ।

राज्यमन्त्री वलीले गत जेठ ३१ गते तुलसीपुर उपमहानगरपालिका–५ स्थित एकराज बस्नेतको घरमा पुगेर उहाँकी श्रीमती र पाँच बर्षकी छोरीलाई हातपात गरेको अभियोग लागेको छ ।

उहाँले एकराज आफ्नो पोई भएको दावी गरेको समेत आरोप छ । हातपातको उजुरी जिल्ला प्रहरी कार्यालय दाङमा पुगेको छ ।

तर कानूनी कारबाही अघि बढेको छैन । घटनाबारे छानबिन गर्न समिति गठन भएको छ ।

तर मन्त्री वलीलाई घरमा गएर उदण्ड गरिरहेकै बेला छिमेकी सहित भएर एकराजकी श्रीमतीले घरमा नै थुनेर प्रहरीलाइै जिम्मा लगाउनुभएको थियो । प्रहरीले नियन्त्रणमा लिएर राति बुटवल पुर्याएको थियो ।

सोही घटनाबारे छानबिन गर्न बनेको समितिको टोली मंगलबार राति नै दाङ गएको हो । समितिको संयोजकमा आन्तरिक मामिला तथा सञ्चार मन्त्री तिलकराम शर्मा, महिला, बालवालिका तथा कानुनमन्त्री रमा घर्ती, मुख्य न्यायाधिवक्ता श्रीकृष्ण सुवेदीलगायत अहिले दाङमा हुनुहुन्छ ।

उक्त टोलीले घटनाबारे छानविन गर्न बुधबार प्रहरी र पीडित परिवारका सदस्यसँग कुराकानी गरेको छ । समितिले घटनाबारे छानबिनपछि प्रतिवेदन तयार पारेर मन्त्रिपरिषद बैठमा पेश गर्ने समितिका संयोजक सञ्चार मन्त्री शर्माले जानकारी दिनुभयो ।

आजका चर्चित पोष्टहरु पढ्न यहाँ राखिएको हेडलाईनमा थिच्नुहोस् ।

राज्यमन्त्री वलीले भने वाईसिएल नेता एकराज बस्नेतसँग आफ्नो लेनदेन कारोबार रहेकाले यसै विषयमा कुराकानी गर्न उहाँको घरमा पुगेको दावी गर्नुभएको छ । मन्त्री विमलाको यसअघिपनि एकराजसँग प्रेम सम्बन्ध रहेको सामाचार प्रकाशित भएका थिए ।

उहाँले सार्वजनिक गरेको एक तस्वीरलाई लिएर उक्त खबर आएको थियो । वाईसीएलका नेता एकराजले ३५ लाख रकम अहिलेसम्म फिर्ता नगरेकाले खोज्दै गएको र घरमा उहाँकी श्रीमतीसँग हातहालाहालको अवस्था सिर्जना भएको मन्त्री वलीको आरोप छ ।

एकराजकी श्रीमती मिना बस्नेतले भने आफूमाथि हातपात गरेको भनी आरोप लगाउँदै राज्यमन्त्री वलीविरुद्ध प्रहरीमा जाहेरी समेत दिनुभएको छ । जाहेरी उपर अहिलेसम्म कुनै कानूनी कारबाही अघि बढेको छैन ।

सबैको जानकारीको सेयर गर्नुहोस !!

भिडियो हेर्न यहाँ क्लिक गर्नुहोस् । subscribe मा क्लिक गरेपछि सँधै भिडियो हेर्न पाईनेछ । नजिकैको बेल (घण्टि) मा थिचे अपलोड गर्नासाथ पहिलो दर्शक बन्न पाउँनुहुनेछ ।

सम्बन्धित खबरहरु