काठमाडौं । बलिउड अभिनेता सलमान खान आफ्नो विगत सम्झेर रोएका छन् ।

खान सबैका लागि बलिउडका सुपरस्टार हुन सक्छन् तर एक समय थियो जब उनीसँग कपडा किन्न पैसा पनि थिएन ।

उनले कडा मेहनतपछि सफलता हासिल गरेका हुन्, सलमान खानले जीवनमा अभाव पनि देखेको छ ।

हालै, आइफा २०२२ को आयोजनामा सलमान आफ्नो जीवनको एक धेरै भावुक क्षण सम्झेर रोएका हुन् । अवार्ड शो होस्ट गर्दा, सलमान खानले सुनील शेट्टीले आफूलाई कसरी मद्दत गरे भन्ने कुरा बताउँदै गर्दा भावुक भएका थिए ।

कलर्स टिभीले आईफा २०२२ जुन २५ मा प्रसारण गर्दैछ । उक्त च्यानलको आधिकारिक इन्स्टाग्राम ह्यान्डलले भर्खरै एउटा प्रोमो साझा गरेको छ, जसमा सलमान खान आफ्ना पुराना दिनहरू सम्झेर रोएका छन् ।

आजका चर्चित पोष्टहरु पढ्न यहाँ राखिएको हेडलाईनमा थिच्नुहोस् ।

कलर्सले सेयर गरेको अवार्ड शोको क्लिपमा एन्कर रितेश देशमुखले सलमान खानलाई सोधे, ‘तपाईको जीवनको सबैभन्दा यादगार पल कुन हो ?’

सलमानले जवाफ दिए, ‘पहिले जब मसँग पैसा थिएन, म सुनील शेट्टीको कपडा पसलमा जान्थें । त्यो धेरै महँगो थियो । मैले शर्ट र जिन्स बाहेक अरू केही किन्न सकिन, त्यतिबेला सुनीलले मसँग पैसा नभएको थाहा पाए, त्यसैले उनले मलाई स्टोन वाश शर्ट उपहार दिए । उनले देखे कि मेरो आँखा एक पर्समाथि थियो ।’

यति भन्दै गर्दा सलमान भावुक भए र रोए । उनी सुनीलका छोरा अहान शेट्टीकहाँ गए । आहान उठेर सलमानलाई अँगालो हाल्छन् । त्यसपछि सलमानले थप भने, ‘त्यसपछि उनले मलाई घर लगेर त्यो पर्स दिए ।’

सामाजिक सञ्जालमा शेयर गरिएको क्लिपमा फ्यानले धेरै कमेन्ट गरेका छन्, सुनिल शेट्टीको तारिफ हुँदैछ । एक फ्यानले लेखेका छन्, ‘यो निकै भावुक छ । सुनिल शेट्टी र सलमानको पनि यस्तो समय ओएमजी थियो । सुनिल शेट्टी जस्तो साथी सबैको हुनुपर्छ ।’

सबैको जानकारीको सेयर गर्नुहोस !!

भिडियो हेर्न यहाँ क्लिक गर्नुहोस् । subscribe मा क्लिक गरेपछि सँधै भिडियो हेर्न पाईनेछ । नजिकैको बेल (घण्टि) मा थिचे अपलोड गर्नासाथ पहिलो दर्शक बन्न पाउँनुहुनेछ ।

सम्बन्धित खबरहरु