त्रिशूली(नुवाकोट), काठमाडौ, माघ,१७ । नेकपा एमालेका नेता भरतमोहन अधिकारीले पहाड र तराईलाई छुट्याएर र जातीय आधारको सङ्घीयतामा जान नसकिने बताएका छन् ।
खानीगाउँ गाविस–८ को महालक्ष्मी प्राविमा भरतप्रसाद लामिछाने स्मृति प्रतिष्ठानको तेस्रो वार्षिक कार्यक्रमको उद्घाटन गर्दै नेता अधिकारीले पहाड र तराईलाई विभाजन गरी विखण्डन ल्याउने कार्यमा एमालेले कहिले पनि साथ नदिने बताए ।
उनले नयाँ संविधानमा सबै जातिलाई समेटेर लैजान एमाले तयार रहेको जनाए ।
कार्यक्रममा ५३ जना विद्यार्थीलाई पोसाक र स्टेसनरी सामग्री प्रदान गरिएको थियो । कक्षा २, ३, ४ र ५ मा प्रथम भएका चार विद्यार्थीलाई रु दुई हजारसमेत प्रदान गरिएको थियो ।