जापानी पत्रकारको पनि आइएसद्वारा टाउको काटी हत्या

  • जनबोली न्यूज नेटवर्क
  • आईतबार १८ माघ, २०७१

japanटोकियो । आतंककारी संगठन इस्लामिक स्टेट (आइएस) ले आफ्नो कब्जामा रहेका अर्का जापानी पत्रकारको पनि हत्या गरेका छन् ।

आइएसले जापानी पत्रकार केन्जी गोटोको पनि हत्या गरेको भिडियो सार्वजनिक गरेको हो । गत सातामात्र आइएसले अर्का जापानी नागरिक हारुना युकावाको शिर छेदन गरी हत्या गरेका थिए ।

पत्रकार गोटोको रिहाईका लागि जापान सरकारले प्रयास गरिरहेको भएपनि त्यसलाई बेवास्ता गर्दै आईएसले उनको हत्या गरेको भिडियो सार्वजनिक गरेको हो ।

यसअघि ७२ घण्टाभित्र २० करोड अमेरिकी डलर फिरौती नदिए आफ्नो कब्जामा रहेका जापानी नागरिकको हत्या गर्ने धम्की दिइएको थियो ।

जापानले आइएस विरुद्ध नयाँ सुरक्षा नीतिको तयारी गरिरहेका बेला दुई जापानी नागरिक आइएसको कब्जामा परेका थिए ।

४७ वर्षीय गोटो स्वतन्त्र पत्रकार र प्रतिष्ठित फिल्म निर्माता हुन् । उनी गत अक्टोवरमा सिरियाबाट अपहरणमा परेका थिए । यसअघि बन्धक बनाइएका हारुना युकावाको पनि हत्या गरेको भिडियो आइएसले सार्वजनिक गरेको     थियो ।

आइएसले सार्वजनिक गरेको भिडियोबारे छानबिन भइरहेको जापानका अधिकारीहरुले जनाएका छन् । जापानले जोर्डनको सहयोगमा गोटाको रिहाइको लागि पहल गरेको थियो ।

आइएसले गरेको गोटोको हत्याका विश्वब्यापी निन्दा भएको छ । अमेरिकी राष्ट्रपति बाराक ओबामा, बेलायती प्रधानमन्त्री डेभिड क्यामरुन लगायतले घटनाको भत्सर्ना गरेका छन् ।

सम्बन्धित खबरहरु

दुई पुरुष मृत अवस्थामा फेला
  • शनिवार ३ असोज, २०७७
दुर्घटनामा ७ जनाको मृत्यु
  • शनिवार ३ असोज, २०७७