काठमाडौं । त्रिभुवन विश्वविद्यालय मानविकी तथा सामाजिक शास्त्र संकाय डिनको कार्यलयले दर्शनाचार्य विद्यावारिधि (M Phil-PhD) कार्यक्रममा नयाँ भर्नाका लागि आवेदन माग गरेको छ ।

शैक्षिक वर्ष २०७९ का लागि M Phil/PhD मा विभिन्न विषयहरुमा भर्ना भई अध्ययन गर्न चाहाने विद्यार्थीहरुका लागि आवेदन माग गरेको हो ।

बिश्वबिद्धालयले अध्ययन गर्न चाहाने विद्यार्थीहरुले मिति २०७९ साउन २६ देखि भदौ २४ गतेसम्म नियमित शुल्कमा र असोज २ गतेसम्म देब्बर शुल्कमा आवेदन दिन सक्ने सुचनामा जनाइएकोछ ।

अन्य बिस्तृत जानकारीका लागि यस संकायको वेबसाईट tufoss.edu.np मा गएर हेर्न सकिने छ।

स्थानीय तहमा स्थानीय पाठ्यक्रम
बाँकेको राप्तीसोनारी गाउँपालिकाको ५४ विद्यालयमा आधारभूत तहको स्थानीय पाठ्यक्रम लागू भएको छ । पाठ्यक्रम निर्माण तथा लेखन समितिले तयार पारेको ‘हाम्रो राप्तीसोनारी’ नयाँ शैक्षिक सत्रदेखि लागू भएको गाउँपालिकाका अध्यक्ष तप्त पौडेलले जानकारी दिनुभयो ।

पालिकाभित्रका कक्षा एकदेखि आठसम्मका सबै विद्यालयमा स्थानीय पाठ्यक्रम लागू गरिएको उल्लेख गर्दै गाउँपालिकाका अध्यक्ष पौडेलले आफूहरु निर्वाचित हुनुअघि नै उक्त पाठ्यक्रम तयार भएकाले त्यसलाई लागू गरिएको बताउनुभयो । ‘हाम्रो राप्तीसोनारी’ पाठ्यक्रममा हाम्रा संस्कृति र सम्पदा, हाम्रो पेसा व्यवसाय र प्रविधि, हाम्रो वातावरण, हाम्रो राप्तीसोनारीको परिचय, खुसीका लागि शिक्षा, जीवनोपयोगी सीप र विपद् व्यवस्थापनसहित गाउँपालिकाको विशेषतालाई उच्च प्राथमिकता दिइएको अध्यक्ष पौडेल बताउनुहुन्छ ।

गत वैशाखमा पाठ्यक्रम विकास केन्द्रका पाठ्यक्रम विशेषज्ञ युवराज अधिकारी र शिक्षा केन्द्र शिक्षा, विज्ञान तथा प्रविधि मन्त्रालयका पूर्वउपसचिव जीतबहादुर शाहको प्राविधिक सहयोग तथा गाउँपालिका शिक्षा शाखाका प्रमुख जीवन न्यौपानेको संयोजकत्वमा ३० सदस्यीय समिति निर्माण भएको थियो । सो समितिले छ महिनाको अवधीमा पाठ्यक्रम तयार गरेको थियो ।

खास गरेर सात विषय समेटेर निर्माण गरिएको पाठ्यक्रम राप्तीसोनारीका सबै आधारभूत विद्यालयमा लागू गरिएको गाउँपालिकाका शिक्षा शाखा प्रमुख जीवन न्यौपानेले जानकारी दिनुभयो । “यो पाठ्यक्रम मात्रै हो तर हामी पाठ्यक्रमकको पनि तयारी गरिरहेका छौँ”, न्यौपाने भन्नुभयो । कक्षा, ६, ७ र ८ को लागि पाठ्यक्रम बनाउने र आधारभूत तहका लागि स्रोत पुस्तकको रुपमा रहने बताइएको छ ।

पाठ्यक्रमले मूलभूत रूपमा गाउँपालिका क्षेत्रको सेरोफेरोलाई समेटने प्रयास गरिएको उहाँले बताउनुभयो ।
अध्यक्ष पौडेलले संविधानको मर्मअनुसार निर्माण भएको पाठ्यपुस्तक पाठ्यपुस्तकका रूपमा विद्यालयमा अध्ययन, अध्यापन सुरु गरिएको जनाउँदै स्थानीय आवश्यकतालाई केन्द्रीत गरी आधारभूत तहमा अध्ययनरत बालबालिकालाई आफ्नो सामाजिक तथा वातावरणीय परिवेशवारे ज्ञान र सीप प्रदान गर्ने यसको लक्ष्य रहेको उल्लेख गर्नुभयो ।

पाठ्यक्रमले यस क्षेत्रको प्राकृतिक, सामाजिक, ऐतिहासिक, सांस्कृतिक तथा आर्थिक पक्षलाई समेटेको छ र यहाँको प्राकृतिक, सांस्कृतिक तथा सम्पदाको संरक्षण र संवद्र्धनलाई महत्व दिएको छ । स्थानीयस्तरका विषयवस्तु समावेश गरी विद्यालयमा नियमित पठनपाठन गर्ने उद्देश्यले तयार गरिएको स्थानीय शैक्षिक सामग्री नै स्थानीय पाठ्यक्रम हो ।

सम्बन्धित खबरहरु