पर्वत । नेपालका अधिकांश भूभाग प्रकृतिले दिएको वरदान हो । यहाँ हेर्नका लागि मात्र विश्वभरका मानिसहरु तयार छन् ।

राम्रो प्रचार प्रसार गर्न नसक्दा समेत मासिक नै दुई लाख भन्दा बढी विदेशीहरु हवाईजहाजबाट नेपाल आइरहेका हुन्छन् ।

उनीहरुको आगमनको एउटा मात्र उदेश्य छ यहाँको प्राकृतीसँग रम्ने, घुम्ने । विश्वका मानिसहरुलाई लोभ्याई रहेको यो हो पर्वत जिल्लाको जलजला गाउँपालिका–५ फलामेडाँडा लोप्रे ।

यहाँबाट देखिएको वहुस्मृति सामुदायिक घरबाससँगै देखिने धौलागिरि हिमालले सबैलाई लोभ्याउँछ । तस्वीर : खेमराज गौतम/रासस

तानसेनको खानेपानीमा वैकल्पिक ऊर्जाको प्रयोग
तानसेनको भुल्के खानेपानीमा सोलार प्यानल जडान गरिएको छ । विद्युतीय विलिङ घटाउन चार नम्बर पम्पमा १५ किलोवाट क्षमताको सोलार प्यानल जडान गरिएको हो ।

प्रदेशका ऊर्जा, जलस्रोत तथा सिँचाइमन्त्री वीरबहादुर रानाले तानसेनभित्र ल्याउने खानेपानीको बिलिङ अत्यधिक भएकाले यसलाई कमी गराउनका लागि सोलार प्यानल जडान गरिएको बताउनुभयो । खानेपानी सहज गराउनका लागि संरचना दिगो बनाउने र बिलिङ घटाउने विषयलाई प्राथमिकता दिइने उहाँको भनाइ थियो । तानसेन खानेपानी उपभोक्ता समितिका कोषाध्यक्ष भीमसेन कार्कीले भुल्केमा हुने विद्युत् गडबढी र कालीगण्डकीको योजना सञ्चालन हुन ढिलाइ हुँदा पनि खानेपानीको अभाव भएको बताउनुभयो ।

तानसेन नगरपालिकाका प्रमुख सन्तोषलाल श्रेष्ठले नागरिकलाई खानेपानी सहज ढङ्गले वितरण गर्ने व्यववस्था मिलाउन तानसेन खानेपानी उपभोक्ता समिति सक्रिय हुनुपर्नेमा जोड दिनुुभयो । नागरिकले सहजरुपमा खानेपानी नपाउने अवस्था अन्त्य गर्नाका साथै विद्युत्को बिल घटाउन पनि वैकल्पिक ऊर्जाले सहयोग पुग्ने उहाँले जानकारी दिनुभयो । प्रदेशका मन्त्री रानाका साथै नेपाल नवीकरणीय ऊर्जा कार्यक्रम, बेलायती राजदूतावासका प्रतिनिधिसहितको टोलीले खनेपानीको निरीक्षण गरी सोलार प्यानलको थप सम्भाव्यताबारे छलफल गरेको थियो ।

नेपाली कांग्रेसका जिल्ला सभापति हिमालदत्त श्रेष्ठ, (नेकपा माओवादी) केन्द्रका जिल्ला संयोजक राजेन्द्र विक, नेकपा एकिकृत समाजवादीका प्रतिनिधि तथा पूर्व सांसद यादवबहादुर रायमाझीलगायतले पानीको समस्याबारे आ–आफ्नो धारणा व्यक्त गर्नुभयो ।जिल्लाको भैरवस्थान, बतासेडाँडा क्याम्पस, चापपानी, बराङ्दी र खानीगाउँ क्षेत्रमासमेत सोलार राख्ने विषयमा अध्ययन भइरहेको छ । यसैगरी बतासेडाँडामा सोलारबाट १०९ किलोवाट बिजुली निकाल्नका लागि अध्ययन भइसकेको बताइएको छ ।

सम्बन्धित खबरहरु