गोल्डेन गेट र सनसाइन क्वार्टरफाइनलमा

  • जनबोली न्यूज नेटवर्क
  • मङ्गलबार २० माघ, २०७१

Spa-Cup

१९ माघ, कैलाली । गोल्डेन गेट कलेज काठमाडौं र सनसाइन कलेज भैरहवा एसपीए कप क्रिकेटको क्वार्टरफाइनल प्रवेश गरेका छन् ।

सोमबार भएको सनसाइनले सुदूरपश्चिमाञ्चल विश्व विद्यालयलाई ११ रनले हरायो । टस जितेर ब्याटिङ रोजेको सनसाइनले पूरै २० ओभर खेल्दै ७ विकेटको क्षतिमा १ सय ७३ रन बनाएको थियो । सनसाइनका मयान्क यादवले ४५ र अन्तिम थापाले ४० रन बनाए ।

सुदूरपश्चिमाञ्चलका महेश शाहले ३ विकेट लिएका थिए ।

ज्वाफमा मैदान उत्रिएको सुदूरपश्चिमाञ्चलले २० ओभरमा ८ विकेटको क्षतिमा १६२ रन मात्रै बनाउन सक्यो । उसका लागि दिपक मल्लले ३८ रन बनाए भने महेश शाह ३४ रनमा नट आउट रहे ।

सुदूरपश्चिमाञ्चललाई सस्तैमा समेट्ने क्रममा सनसाइनका दिपेन्द्र यादव र मयान्क यादवले समान २/२ विकेट लिएका छन् । मयान्क यादव म्याप अफ दी म्याच भएका छन् ।

सोमबार नै हुने भनिएको अर्को खेलमा अछामको त्रिपुरासुन्दरी बहुमुखी क्याम्पस अनुपस्थित भएपछि गोल्डेन गेट क्वार्टरफाइनलमा प्रवेश गरेको छ ।

सम्बन्धित खबरहरु