काठमाडौं । चीन र रुसले आइतबार भिडियो लिङ्क मार्फत "श्रव्य दृश्य सञ्चार सप्ताह-२०२२" को प्रमुख सांस्कृतिक आदानप्रदान कार्यक्रम शुरु गरेका छन्।


चीनको राष्ट्रिय रेडियो तथा टेलिभिजन प्रशासनका उपप्रमुख ले युचेङ, रुसका डिजिटल विकास, सञ्चार तथा आमसञ्चार उपमन्त्री बेला चेर्केसोवा र चीनका लागि रुसी राजदूत इगोर मोरगुलोभले एक समारोहका बीच भिडियो सन्देशहरू दिएका थिए।

"चीन-रुस श्रव्य दृश्य सञ्चार सप्ताह-२०२२" मा दुई देशका श्रव्य दृश्य कृतिहरू एकअर्काको भाषामा अनुवाद गरी एकअर्काको देशमा प्रसारण गरिनेछ।

कार्यक्रममा चिनियाँ र रुसी युवा गायकहरूका लागि अनलाइन गाला (प्लेटफर्म), छोटो भिडियो प्रतियोगिता र एनिमेसन व्यवसायका फर्महरूका लागि लाभदायक हुने सेमिनार पनि समावेश हुनेछन्

बागलुङमा मतगणनाको तयारी
आइतबार सम्पन्न प्रतिनिधिसभा सदस्य तथा प्रदेशसभा सदस्य निर्वाचनको मतगणनाको तयारी थालिएको छ । सबै मतदानस्थलको मतपेटिका मतगणनास्थलसम्म आइपुगेकाले मतगणनाको तयारी थालिएको हो ।

राति अबेरसम्म जिल्लाका सबै मतदानस्थलको मतपेटिका मुख्य निर्वाचन अधिकृतको कार्यालय र निर्वाचन अधिकृतको कार्यालयमा आइसकेको मुख्य निर्वाचन अधिकृत डा दिवाकर भट्टले जानकारी दिनुभयो । उहाँ अनुसार सर्वदलीय बैठक पछि मतगणना थालिने छ ।

“राति अबेर मात्रै मतपेटिका ल्याइयो, सर्कुवाको मतदानस्थलमा केहीबेर मतदान स्थगित हुँदा केही ढिला भएको छ भने केही विवाद सर्वदीलय बैठकबाट मिलाएपछि गणना सुरु हुन्छ”, उहाँले भन्नुभयो, “निर्वाचन निकै शान्तिपूर्ण तरिकाले सम्पन्न भएको छ, सबैको सहयोगको प्रशंसा गर्दछु ।” दुई निर्वाचन क्षेत्र रहेको जिल्लामा कूल ५३ दशमलव ५६ प्रतिशत मत खसेको जिल्ला निर्वाचन कार्यालय बागलुङले जनाएको छ ।

कूल एक लाख ९२ हजार दुई सय २७ मतदाता रहेको जिल्लामा एक लाख दुई हजार नौ सय ६३ मत खसेको थियो । निर्वाचन क्षेत्र नम्बर १ को मतगणना मुख्य निर्वाचन अधिकृतको कार्यालय बागलुङ बजारस्थित जिल्ला समन्वय समितिको सभाहल र क्षेत्र नम्बर २ को मतगणना निर्वाचन अधिकृतको कार्यालय बुर्तिवाङस्थित नयाँ सहरी विकास आयोजनाको सभाहलमा हुनेछ । जिल्लाको दुई प्रतिनिधि र चार प्रदेशसभा सदस्यका लागि ३१ चुनावी मैदानमा छन् । रासस

 

 

सम्बन्धित खबरहरु