जनबोली न्यूज नेटवर्क
काठमाडौं । पृथ्वी ठूलो रहस्यले भरिएको छ । हामीले अहिले पनि धेरै कुराहरु पत्ता लगाउन सकेका छैनौँ । हिन्द महासागर पनि धेरै आश्चर्यजनक र रहस्यमय तथ्यहरूले भरिएको छ ।
साथै, संसारको यो भाग संसाधनहरूको कारण धेरै विशेष छ । तर अब हिन्द महासागरको यो सुनसान र बसोबास नभएको क्षेत्रको गहिरो समुन्द्रमा वैज्ञानिकहरुले अचम्म लाग्ने जीवहरुको बारेमा थाहा पाएका छन् ।
ज्वालामुखी नजिकै भेटिएका यी जीवहरू वैज्ञानिक र अनुसन्धानकर्ताहरूका लागि चर्चाको विषय बनेका हुन् । हिन्द महासागरको गहिरो भागमा यी अनौठा जीवहरू भेटिएका छन् ।
म्युजियम भिक्टोरिया रिसर्च इन्स्टिच्युटका वैज्ञानिकहरूले आँखा नभएका जनावर, चमेरो जस्तो माछा र छेपारो जस्तो धारिलो दाँत भएको माछा फेला पारेका हुन् ।
कसरी भेटियो
डेली स्टारका अनुसार अष्ट्रेलियाको सनसान कोकोस आइल्याण्ड मरीन पार्कमा अनुसन्धानकर्ताहरुले समुन्द्र मुनि उत्खनन कार्य गरिरहेको बेला यी जीवहरु फेला परेका हुन् । यो टापु ४६७०५४ वर्ग किलोमिटरमा फैलिएको छ ।
त्यहाँदेखि पर्थ को दूरी २७५० किलोमिटर छ, जुन उत्तर–पश्चिमीमा पर्दछ । रोचक कुरा के छ भने, त्यहाँबाट कोरलका दुई टापुहरू पनि छन् । साथै, सेतो बालुवा, पाम रूख र केही खाडीहरू भएका २७ वटा साना टापुहरू छन् । यसअघि वैज्ञानिकको टोलीले त्यहाँको सामुद्रिक जीवन पत्ता लगाएको थियो, जसका बारेमा कसैलाई केही थाहा थिएन ।
मानवजस्तै माछा
वैज्ञानिकहरू नमूना सङ्कलन गर्न समुद्रको सतहभन्दा तीन माइल तल गएका थिए । खोजमा उनीहरुले जिलेटिनको छाला भएको अन्धो इल पनि भेट्टाए । त्यसको आँखाको विकास भएको थिएन् ।
वैज्ञानिकहरूले यसलाई तीन माइलभन्दा बढी गहिराइमा फेला पारेको दाबी गरेका छन् । यो उपलब्धि पत्ता लगाएपछि वैज्ञानिकहरु निकै खुसी छन् । यसबाहेक, उनीहरूले छेपारो माछा पनि भेटे, जसको अण्डाशय र अण्डकोषहरू सँगै छन् । एउटा टाउकोमा आँखा भएको समतल माछा पनि फेला पारेको खोजकर्ताहरुले जानकारी गराए । यो हेर्दा ठ्याक्कै मान्छे जस्तै देखिन्छ ।
सबै प्रकारका माछाहरू
गहिरो समुद्रको ब्याटफिशहरू पनि फेला पारेका छन्, जो पखेटा जस्तै हातको सहायताले समुन्द्रको भुइँमा घुम्छन् । स्लोन भाइपरफिसले वैज्ञानिकहरूलाई सबैभन्दा चकित बनाएको छ ।
वैज्ञानिकहरुका अनुसार यी माछाहरुलाई गहिरो समुन्द्रमा बस्ने बानी परेको छ । यी माछाहरू सबै प्रकारका आकारमा पाइन्छन् । तिनीहरूका आँखा या त धेरै ठूला हुन्छन् वा हुँदैनन् । म्युजियम भिक्टोरिया रिसर्च इन्स्टिच्युटका प्रमुख वैज्ञानिक टिम ओहाराले लाइभ साइन्सलाई यसबारे विस्तृत जानकारी गराएका हुन् ।