बैद्य माओवादीले भ्रष्ट–दलालहरुमाथि जनकारबाही सुरु गर्ने

  • जनबोली न्यूज नेटवर्क
  • मङ्गलबार २० माघ, २०७१
Baidh
२० माघ, काठमाडौं । मोहन बैद्य नेतृत्वको नेकपा–माओवादीले फागुन १ गतेदेखि चैत्र २४ गते सम्म जनकारबाही सुरु गर्ने भएको छ । जारी केन्द्रीय कमिटीको बैठकले ‘भ्रष्ट–दलालहरुमाथि जनकारबाही सुरु गर्ने विषयमा छलफल चलेको हो ।

नेवाः राज्य समितिको कार्यालय कुपण्डोलमा केही दिनदेखि चलिरहेको केन्द्रीय समितिको बैठकमा फागुन १ देखि चैत २४ गतेसम्म संगठन र संघर्षको अभियान चलाउने प्रस्ताव गरिएको छ । मौखिकरुपमा पेश गरिएको प्रस्तावमाथि बुधबारबाट थप छलफल हुने नेताहरुले बताएका छन् ।

अभियानका क्रममा देशभर संगठन सुदृढीकरणसँगै जानकारबाही अभियान चलाउने प्रस्ताव छ । ‘सामाजिक विकृति विसंगति, भ्रष्ट दलाललाई जनकारबाही गर्ने प्रस्ताव आएको छ’ एक नेताले जनबोलीलाई भने, ‘देशभरमा २ सयवटा यस्ता कारवाही गर्ने तयारी छ ।’

संगठन सुदृढीकरण अन्तरगत जनसरकारको अवधारणा अनुसार जनसमितिहरु बनाइनेछ । जनसेनाको अवधारणामा राष्ट्रिय युवा जनस्वयं सेवक ब्यूरोलाई ब्यूँताइने छ ।

उदयबहादुर चलाउने ‘दीपक’ नेत्रविक्रम चन्द विप्लवसँगै पार्टी छाडेर गएपछि बैद्य माओवादीमा यो संगठन निश्क्रिय जस्तै भएको थियो । नेताहरुका अनुसार विप्लवकै योजनाअनुसार बनेको जनस्वयं सेवकका अधिकांश नेता कार्यकर्ता उनीसँगै गएका छन् ।

सम्बन्धित खबरहरु