जनबोली न्यूज नेटवर्क
काठमाडौं । बिहेपछि ज्वाइँले ससुराली घरमा धेरै इज्जत पाउँछन् । अधिकांश माइतीघरमा यस्तो दृश्य देखिन्छ । ससुरालीमा ज्वाइँ आउने जानकारी पाएपछि खु:शी पार्न अनेक तयारी हुन्छ । ज्वाइँलाई मनपर्ने खाना तयार हुन्छ । ज्वाइँलाई अधिकतम आराम मिलोस् भन्ने सक्दो प्रयास गरिन्छ ।
ज्वाइँलाई खु:शी पार्न घरपरिवार सबै जुट्छन् । यस्तै एउटा घटना भारत, आन्ध्र प्रदेशबाट बाहिर आएको छ । त्यहाँको एक परिवारले पहिलोपटक माइती पुगेको आफ्नो ज्वाइँलाई खु:शी पार्न एक यस्तो रेकर्ड बनायो, जुन मानिसहरूले पत्याउन सकिरहेका छैनन् ।
जानकारी अनुसार घटना आन्ध्र प्रदेशको पश्चिम गोदावरी जिल्लाको नरसापुरमको हो । त्यहाँ मकर संक्रान्तिको अवसरमा ज्वाइँलाई स्वागत गर्न परिवारले शाही भोजको आयोजना गरेको थियो । युवतीका परिवारले ती व्यक्तिका लागि ३ सय ६५ प्रकारका परिकार बनाएको हो ।
शाही परिकारमा ३० प्रकारका तरकारी, भात, बिरयानी, पुलिहोरा, सय विभिन्न प्रकारका मिठाई, पेय पदार्थ, पेस्ट्री, आइसक्रिम, बिस्कुट, फलफूल, केक समावेश गरिएको थियो । तेलुगु परम्परामा, वार्षिक फसल पर्व अर्थात् मकर संक्रान्तिमा, ज्वाइँलाई घर भनिन्छ र खुलेरै सेवा गरिन्छ ।