जनबोली न्यूज नेटवर्क
काठमाडौं । २८ फेब्रुअरी मंगलबार अष्ट्रेलियाको सिड्नीमा एक भारतीय नागरिकलाई प्रहरीले गोली हानेको छ । गोली लागेर मोहम्मद रहमतुल्लाह सैयद अहमद नामका व्यक्तिको मृत्यु भएको हो ।
प्रहरीका अनुसार मृतकले सिड्नी रेलवे स्टेशनमा एक सफाई कर्मचारीलाई चक्कुले आक्रमण गरेर प्रहरी अधिकारीहरूलाई धम्की दिएको आरोप लगाएको छ । ३२ वर्षका मोहम्मद रहमतुल्लाह सैयद अहमद तमिलनाडुका बासिन्दा थिए । जानकारी अनुसार रहमतुल्लाह ब्रिजिङ भिसामा अस्ट्रेलियामा बस्दै आएका थिए ।
ब्रिजिङ भिसा एक अस्थायी भिसा हो । मूल भिसाको म्याद सकिएको र नयाँ भिसा आवेदन प्रक्रियामा रहेको अवस्थामा ब्रिजिङ भिसा काम लाग्छ । सिड्नीस्थित भारतीय दूतावासले उक्त घटनाका सम्बन्धमा आफ्नो आधिकारिक विज्ञप्तिमा भनेको छ, ‘यो घटना अत्यन्तै विचलित र दुर्भाग्यपूर्ण छ ।
हामीले आधिकारिक रूपमा यो विषयलाई न्यू साउथ वेल्सको विदेश मामिला तथा व्यापार विभागका साथै प्रहरी अधिकारीहरूसँग उठाएका छौं।’ सिड्नी मर्निङ हेराल्ड अखबारका अनुसार मोहम्मद अहमदले २८ वर्षीय क्लिनरलाई सिड्नीको एबर्न स्टेशन नजिकै आक्रमण गरेका थिए । त्यहाँबाट अगाडि भाग्न खोज्दा उनका अगाडि दुई प्रहरी अधिकारीहरु आए ।
अहमदले उनीहरुमाथि पनि आक्रमण गर्ने प्रयास गरेको प्रहरीले जानकारी दियो । जवाफमा एक प्रहरी अधिकारीले तीन गोली हानेर मारेका हुन् । तीमध्ये दुई गोली अहमदको छातीमा लागेका थियो । प्यारामेडिकहरूले घटनास्थलमा अहमदको उपचार गरे र उनलाई स्थानीय अस्पतालमा लगे । त्यहाँ चिकित्सकले उनलाई मृत घोषणा गरेका हुन् ।
त्यसपछि न्यु साउथ वेल्सका प्रहरी आयुक्त स्टुअर्ट स्मिथले भने, ‘यो दर्दनाक र हाम्रो प्रहरी चौकीको लागि आवश्यक घटना हो । अधिकारीहरूसँग प्रतिक्रिया गर्न सेकेण्ड मात्र थियो, अहमदलाई गोली हान्नु बाहेक अरू विकल्प थिएन । म यी अधिकारीहरूको साथमा पूर्ण समर्थनका साथ उभिएको छु ।’
आक्रमणमा परेर घाइते क्लिनरलाई स्थानीय अस्पतालमा भर्ना गरिएको छ । उनको अवस्था राम्रो रहेको बताइएको छ । जानकारी अनुसार उनको देब्रे हातमा छुरा प्रहार भएको थियो । अहमद र क्लिनरले एकअर्कालाई नचिनेकाले आक्रमणको कारण स्पष्ट भैसकेको छैन् ।