एनजिओमाथि काठमाडौं प्रशासनको विशेष निगरानी

  • जनबोली न्यूज नेटवर्क
  • शुक्रबार २३ माघ, २०७१

२३ माघ, काठमाडौं । जिल्ला प्रशासन कार्यालय काठमाडौंमा दर्ता भएर काम गरिरहेका सबै गैरसरकारी संस्था (एनजीओ) माथि निगरानी थालिने भएको छ । जिल्ला प्रशासन कार्यालय काठमाडौंले संस्था सूचना प्रणाली सफ्टवेयर विकास गरी सबै गैरसरकारी संस्थाका बारेमा कडा निगरानी र अनुगमन गर्न थालेको हो ।

काठमाडौंका प्रमुख जिल्ला अधिकारी एकनारायण अर्यालले संस्था सूचना प्रणालीमार्फत गैरसरकारी संस्थाका बारेमा निगरानी र अनुगमन थालिएको जानकारी दिए । दर्ता भएर लामो समयदेखि काम गरिरहेका, तर नियमअनुसार प्रशासन कार्यालयमा नवीकरण नगरेका गैरसरकारी संस्थाका बारेमा अनुगमन थालिएको अर्यालले बताएको नयाँ पत्रिकामा खबर छ ।

जिल्ला प्रशासन कार्यालयले अब संस्था दर्तादेखि नवीकरण, प्रमाणपत्र र विधानसमेत सूचना प्रमाणलीमा समावेश गर्ने गरी सफ्टवेयर सञ्चालनमा ल्याएको छ ।

संस्था दर्ता शाखाका नायव सुव्बा शिवप्रसाद गौतमले अब जुनसुकै संस्थाको जानकारी कम्प्युटरबाट पत्ता लगाउन सकिने र अनुगमन गर्नसमेत सहज हुने जानकारी दिए ।

सम्बन्धित खबरहरु

दुई पुरुष मृत अवस्थामा फेला
  • शनिवार ३ असोज, २०७७
दुर्घटनामा ७ जनाको मृत्यु
  • शनिवार ३ असोज, २०७७