जनबोली न्यूज नेटवर्क
सोल्टी होटल लिमिटेडले चालु आर्थिक बर्षको दोस्रो त्रैमाससम्ममा ११ करोड ६८ लाख रुपैयाँ खुद नाफा गरेको छ । यो रकम गत आर्थिक बर्षको सोही अवधिको तुलनामा २२ लाखले कम हो । कम्पनीले गत आर्थिक बर्षको दोस्रो त्रैमासको तुलनामा तीन करोड भन्दा बढी आम्दानी गरे पनि पेय तथा खाद्यान्न, कर्मचारी तलव र प्रशासनिक खर्च बढ्न जाँदा खुद नाफा घटेको बित्तीय विवरणमा उल्लेख गरेको छ ।
कम्पनीको प्रति ईकाई १० रुपैयाँ अंकित मूल्य रहेको प्रति शेयर आम्दानी ३.८८ रुपैयाँ कायम भएको छ । शेयरको बजार मूल्य भने हाल ४७० रुपैयाँको हाराहारीमा छ । ३० करोड कित्ता शेयर रहेको कम्पनीको जगेडा कोषमा ७८ करोड रुपैयाँ छ ।