जनबोली न्यूज नेटवर्क
जनबोली/ १ फागुन, काठमाडौं । वर्ल्डकप क्रिकेटको अन्तिम अभ्यास खेलमा अफगानिस्तानले यूएर्इलाई १४ रनले पराजित गरेको छ ।
मेलबर्नमा टस जितेर ब्याटिङ गरेको अफागानिस्तानले निर्धारित ५० ओभरमा ९ विकेट गुमाउँदै ३०८ रन बनायो ।
उसका लागि सामिउल्हा सिनवारीले सर्वाधिक ५८ रन बनाए । त्यस्तै नाजिबुल्ला जारदानले ४६ तथा कप्तान मोहम्मद नाबीले ३० रन जोडे ।
यूएर्इका अमनद जाबेल एक्लैले ४ विकेट लिए । उनले १० ओभर बलिङ गर्दै १ मेडन राखेर ३९ रन खर्चिए । कृष्ण चन्द्रन र मोहम्मद नविदले समान २-२ विकेट लिए ।
जवाफमा यूएर्इ ४८.२ ओभरमा २९४ रनको स्कोरमा समेटियो । यूएईका कप्तान खुराम खानले सबार्धिक ८६ रन बनाए । उनले १० चौका र २ छक्का प्रहार गरे ।
कृष्ण चन्द्रनले ४९ र एन्डि्र बेरन्जरले ३९ रन बनाए । अफागानिस्तानका अफताब आलमले ३ र नाबीले २ विकेट लिए ।