जनबोली न्यूज नेटवर्क
३ फागुन, काठमाडौं । काठमाडौं उपत्यकासहित देशका अधिकांश जिल्लाको मौसममा बदली भएको छ ।
पूर्वी, मध्ये र पश्चिम क्षेत्रका केही जिल्लामा मेघ गर्जनसहित पानी पर्ने मौसम पूर्वानुमान महाशाखाले जनाएको छ । हिमाली जिल्लाहरुमा भने हिमपात हुने मौसमविद सुवास रिमालले जानकारी दिए ।
केही दिनदेखि काठमाडौंको उपत्यकामा बादल लागेकोले चिसो बढेको छ । मौसमविद रिमालका अनुसार यो अवस्था भोलीसम्म पनि जारी रहने छ ।
पर्सिदेखि मौसममा सुधार आउने अनुमान गरिएको छ । पानी नपरेसम्म मौसम सफा नहुने मौसमविदको भनाइ छ ।
