कोरोना भाइरसलाई लिएर वैज्ञानिकले दिएको यो चेतावनीले सबैको होस उडायो !


काठमाडौं । अहिले विश्वभर एक आतंकका रुपमा फैलिएको कोरोना भाइरसले केही महिनाको अन्तरमा एक लाख भन्दा धेरैको ज्यान लिएको छ । अहिले विश्वका सबै देशहरु यस्को उपचार खोज्दैछन् । तर एक वैज्ञानिकले दिएको चेतावनीले सबैको होस उडाएको छ । विश्वभर एचआईभी, एड्सका कारण औसतमा ८ लाख मानिस वर्षमा विगत ४० वर्षदेखि मर्दै आएका छन् ।

 

हालसम्म एचआईभी एड्सको कुनै खोप वा औषधी भेटिएको छैन । यसको सन्दर्भमा, कोरोना भाइरस खोपको खोजी गरिरहेका टोलीको नेतृत्व गरिरहेकी अग्रणी वैज्ञानिक जेन हल्टनले भनेकी छन कि शायद कोरोना खोप कहिल्यै विकास नहुन सक्छ । उनले भनिन्, ‘विज्ञानमा कुनै कुरा निश्चित छैन ।’ जेन हल्टोन कोरोना खोप पत्ता लगाउन काम गर्ने अन्तर्राष्ट्रिय टीमको नेतृत्व गरिरहेकी छन् । यस टोलीले बिल गेट्सबाट रकम प्राप्त गरेको छ । जेन अष्ट्रेलियाको सबैभन्दा अनुभवी महामारी विशेषज्ञ पनि हुन् । उनले विश्व स्वास्थ्य संगठनको कार्यकारी बोर्डमा पनि काम गरिसकेकी छन् र विश्व स्वास्थ्य सभाको अध्यक्षको रूपमा पनि काम गरिसकेकी छन् ।

 

जेन हल्टनले यो चेतावनी यसकारण दिएकी छन् ताकि कोरोना बिरूद्ध सबै देशहरू खोपको आशामा नबसुन् । बरु, कोरोनालाई हराउन प्लान ’बी’ मा पनि काम गर्न सकुन् । कोरोना भाइरस विश्वभर तिव्र रुपमा फैलदैछ । कोरोना १७ लाख २७ हजार भन्दा बढी मानिसहरुमा संक्रमित भइसकेको छ । एक लाख ४ हजार भन्दा बढी मानिसहरुले यस भाइरसका कारण आफ्नो जीवन गुमाएका छन् । यद्यपि कोरोना खोप पत्ता लगाउन धेरै देशहरूमा परीक्षणहरू सञ्चालन भइरहेका छन् । अस्ट्रेलियाको अखबारसँग कुराकानीमा वैज्ञानिक जेन हल्टनले भनिन्, ‘स्वास्थ्य अधिकारीहरूले प्लान बी मा छिटो काम गर्नु आवश्यक छ । किनकि हामी कोरोना खोप फेला पार्न सक्षम छैनौं ।’ यद्यपि, विश्वका धेरै स्वास्थ्य विशेषज्ञहरू आशावादी छन् कि २०२१ सम्ममा विश्वले कोरोना खोप तयार गर्न सफल हुन सक्छ ।

 

तर जेन हल्टनको भनाइ छ कि यस्तो छोटो समयमा कोरोनाको खोप तयार गर्नु अविश्वसनीय छ । उनका अनुसार अहिले विश्वलाई अवास्तविक अपेक्षाहरू दिने गरिएको छ । उनले यो पनि भनिन्, ‘कोभिड–१९ बाहेक अन्य कोरोना भाइरसको खोप पनि हालसम्म बनेको छैन ।’ उनको यो बयान विश्वका लागि एक प्रकारको चेतावनी पनि भएको छ । उनले सन् २००८ मा एचआईभी बाट विश्वमा झण्डै ८ लाख मानिसले ज्यान गुमाएको उल्लेख गरेकी छिन् । पछिल्लो ४० बर्षमा ३ करोड २० लाख मानिसले एचआईभीको कारण ज्यान गुमाइसकेको तथ्य पनि उनले अगाडी सारेकी छिन् । तर अहिलेसम्म वैज्ञानिकहरूले एचआईभीको खोप पत्ता लगाएको छैनन् ।

 

अमेरिका, चीन लगायतका थुप्रै देशहरूमा मानवमाथि कोरोना खोपको परीक्षण सुरु भइरहेको छ । तर जेन हल्टनको चेतावनीले अपेक्षाहरू कम गर्ने छ । अर्को तर्फ उनी भन्छिन्, ‘म मानिसहरूलाई वैकल्पिक योजनामा ​​काम गर्न सचेत गराउन चाहन्छु ।’ विश्वमा अहिले १७ लाख ८० हजार ३१४ जना संक्रमित हुँदा १ लाख ८ हजार ८२७ जनाले ज्यान गुमाएका छन् । अहिलेसम्म ४ लाख ४ हजार ३१ जना निको पनि भएका छन् । एजेन्सी

भिडियो हेर्न यहाँ क्लिक गर्नुहोस् । subscribe मा क्लिक गरेपछि सँधै भिडियो हेर्न पाईनेछ । नजिकैको बेल (घण्टि) मा थिचे अपलोड गर्नासाथ पहिलो दर्शक बन्न पाउँनुहुनेछ ।

प्रतिक्रिया दिनुहोस्
शिक्षा
त्रिविले लियो पढाइ शुरु गर्ने निर्णय, यसरी अनलाइन कक्षामा सहभागी हुन विद्यार्थीलाई अपिल [सूचनासहित]
भर्ना र कक्षा सञ्चालन नभएपनि अब यसरी सदुपयोग हुन्छ शैक्षिक सत्र, यसरी बढ्छ अर्को कक्षा
कोरोना महामारीका कारण रोकिएको परीक्षाबारे त्रिविका परीक्षा नियन्त्रकले पुनः दिए यस्तो बयान
त्रिविले परीक्षा नलिई माथिल्लो सेमेस्टर पढाउने    
कोरोना महामारीका कारण काठमाडौँ विश्वविद्यालय पनि बन्द
हाम्रो सरकार

नेपाल जर्निलाई मन्त्रीको साथ, श्रेष्ठको पहलमा चितवनमा बन्नेभयो आधुनिक पुस्तकालय


एम्बुलेन्स खरिद गर्ने अभियानका लागि आउँन थाल्यो सहयोगको ओइरो

गाउँमा एम्बुलेन्स पुग्ने भएपछि खुःशी हुँदै धमाधम गर्न थाले सहयोग

एम्बुलेन्स खरिदका लागि उत्साहित हुँदै सबैतिरबाट दिल खोलेर सहयोग

एम्बुलेन्स खरिदका लागि अमेरिकाबाट आयो यति ठुलो सहयोग, थप गर्ने प्रतिवद्धता

सूचना विभाग दर्ता प्रमाणपत्र नं. ८३१/074-75
संचालक / सम्पादक : इन्द्र प्रसाद आचार्य

        || थप...