जनबोली न्यूज नेटवर्क
काठमाडौ । अब नेपालमा आफ्नै रेल चल्ने भएको छ । राष्ट्रपति विद्यादेवी भण्डारीले बुधबार रेल्वे अध्यादेश २०७८ जारी गरेसँगै किनेर ल्याइसकेको रेल सञ्चालनमा आउने भएको हो ।
जनकपुर जयनगर रेलमार्गमा रेल सञ्चालनका लागि कानुनी अड्चन थियो । यो अध्यादेश आएपछि रेल सञ्चालनको बाटो खुलेको छ । सरकारले चाँडै रेल सञ्चालन गर्नेछ ।
उक्त रेलमार्ग सञ्चालनका लागि कानुनी बाटो खोल्न भौतिक पूर्वाधार तथा यातायात मन्त्रालयले अध्यादेशको मस्यौदा गरेको थियो । केही दिनअघिको मन्त्रिपरिषद बैठकले अध्यादेश राष्ट्रपतिसमक्ष सिफारिस गरेको थियो ।
अध्यादेशमा नेपाल सरकारले एक वा एक भन्दा बढी विदेशी राष्ट्रको भूमिसम्म वा विदेशी राष्ट्रले नेपालको भूमिसम्म वा नेपालको भूमि भएर अर्को विदेशी राष्ट्रमा जाने गरी रेल्वे सेवा सञ्चालन गर्ने व्यवस्था गरेको यातायात मन्त्रालय स्रोतले जनाएको छ । यसअघि यो व्यबस्था थिएन ।