जनबोली न्यूज नेटवर्क
काठमाडौं । आफ्नो लुक्स र डिजाइनका कारण लामो समयदेखि चर्चामा रहेको स्मार्टफोन अन्नतः बजारमा आएको छ ।
नथिङले मंगलबार ‘नथिङ फोन १ भारत’ लगायत धेरै बजारमा लन्च गरेको हो । लन्डनस्थित कम्पनी नथिङको पहिलो स्मार्टफोन ‘नथिङ फोन १’ अर्ध पारदर्शी ब्याक प्यानल र अद्भुत डिजाइनसहित आएको छ ।
पछाडिको प्यानलमा एलइडी स्ट्रिपहरू छन्, जसले प्रयोगकर्तालाई सूचनाहरू, रिङ्टोनहरू र अन्य धेरैका लागि एक अद्वितीय पारदर्शी ढाँचा छनोट गर्न अनुमति दिन्छ ।
फोनमा १२० हर्ट्ज रिफ्रेस रेट, क्वालकम स्न्यापड्रागन ७७८जी प्लस चिप, ५० मेगापिक्सेलको डुअल रियर क्यामेरा सेटअप, र ३३ वाटको फास्ट चार्जिङको साथ ४५०० एमएएच ब्याट्री पनि रहेको छ ।
यदि तपाइँ यसलाई किन्ने योजनामा हुनुहुन्छ भने, हामी फोनको मूल्य र सुविधाहरूको बारेमा सबै कुरा विस्तारमा बताउन चाहान्छौँ ।
भारतमा नथिङ फोन १ को मूल्य भारतमा ८ जीबी र्याम र १२८ जीबी स्टोरेज भेरियन्टको लागि नथिङ फोन १ को मूल्य ३२,९९९ रुपैयाँ राखिएको छ ।
८ जीबी र्याम र २५६ जीबी स्टोरेज भेरियन्टको मूल्य ३५,९९९ रुपैयाँ छ र १२ र्याम र २५६ जीबी स्टोरेज को मूल्य ३८,९९९ रुपैयाँ तोकिएको छ । नेपाली बजारमा आधिकारिक रुपमा मूल्य नतोकिएको भए पनि अनुमानित मूल्य सार्वजनिक भएको छ ।
नेपाली टेलिकम साइटका अनुसार नेपालमा अनुमानित मूल्य क्रमशः ५५,९९९, ५९,९९९ र ६५, ९९९ रहेको छ । अर्कोतिर ग्याजेट बाइ नेपालका अनुसार क्रमशः ५८,०००, ६३,००० र ६८,००० रुपैयाँ छ ।
रोनिशढकाल पोस्टका अनुसार अनुमानित मूल्य क्रमशः ५६,९९९, ६१,९९९, ६६,९९९ रुपैयाँ रहेको छ ।