एकलौटी बैठकमा सहभागी हुनुको अर्थ छैन: विपक्षी

‘सभाध्यक्षले नियम, परम्परा मिचेर बोलाएको बैठकमा सहभागी हुनुको कुनै अर्थ हुँदैन,’ एमाओवादी वरिष्ठ नेता एवं संवाद समितिका सभापति बाबुराम भट्टराईले भने, ‘हामी फागुन १६ गतेसम्म जनतामाझ जान्छौं, जनताको राय सुझावअनुसार अघि बढ्छौं ।’

उनले सत्तापक्षले संविधानसभा अपहरण गरेको आरोप लगाए । ‘सभाध्यक्षले संविधानसभाको प्राण लिइसकेका छन्, विपक्षी बिनाको बैठक बोलाएर नाटक गर्नुको अर्थ छैन,’ उनले भने, ‘हामी जनताको बलिदानबाट प्राप्त उपलब्धिका लागि आन्दोलनमा गएका हौं । जनताको अधिकार अपहरण गर्न दिँदैनौं ।’