![](https://www.janaboli.com/wp-content/uploads/2022/12/Shah-Rukh-Khan-Makkah.jpg)
Before the release of Pathan, Shah Rukh reached Makkah, the picture of him performing Umrah went viral
काठमाडौं । बलिउडका बादशाह शाहरुख खान यतिबेला साउदी अरबमा व्यस्त छन् । यसअघि उनी आफ्नो फिल्म ‘डेन्की’ को सुटिङका लागि त्यहाँ गएका थिए ।
हालै उनले साउदी अरेबियाको छायांकन सकेका छन् । अब साउदी अरबबाट खानसँग जोडिएको एउटा ठूलो खबर बाहिर आएको छ । अभिनेता खान पवित्र स्थल मक्कामा देखिएका छन्, जहाँ उनी उमराह गर्न पुगेका हुन् ।
शाहरुख खानका धेरै तस्विर र भिडियोहरु सामाजिक सञ्जालमा भाइरल भइरहेका छन् । जसमा उनी उमराहको पहिरनमा देखिएका छन् । शाहरुख खानको फ्यान क्लबले ट्वीटरमा उमराह गरेको तस्विर र भिडियो सेयर गरेको छ । खानलाई सेतो कपडामा उमराहमा गरिरहेको देख्न सकिन्छ ।
त्यस क्रममा कोभिड–१९ को नियम पालना गर्दै शाहरुख खानले अनुहारमा मास्क पनि लगाएका छन् । उनी वरिपरि मानिसहरुबाट घेरिएका छन् । शाहरुख खानको यो तस्विर सामाजिक सञ्जालमा निकै भाइरल भइरहेको छ ।
उनका फ्यानहरूले भिडियो र तस्विरहरू धेरै मन पराएका छन् । बुधवार शाहरुख खानले आफ्नो आधिकारिक इन्स्टाग्राम खातामा फिल्म ‘डेन्की’ को सुटिङ स्थानको भिडियो पोस्ट गर्दै साउदी अरेबियाको संस्कृति मन्त्रालयप्रति हार्दिक आभार व्यक्त गरेका थिए ।
उनले फिल्मलाई सफल प्रोजेक्ट बनाएकोमा फिल्मको टिमलाई धन्यवाद पनि दिएका छन् । भिडियोमा शाहरुख कालो कोटमा देखिएका छन्, उनले मिल्दो सनग्लास पनि लगाएका छन् । वरिपरि अरबको मरुभूमि र बीचमा पहाड देखिन्छ ।