जनबोली न्यूज नेटवर्क
काठमाडौं । उपप्रधान एवं अर्थमन्त्री विष्णुप्रसाद पौडलले भारत र चीनका अर्थमन्त्रीहरूसँग भेटवार्ता गर्नुभएको छ ।
भारतको बैंग्लोरमा आयोजित जी २० का अर्थमन्त्रीहरूको सम्मेलनमा भाग लिन जानुभएका मन्त्री पौडेलले त्यहाँका अर्थमन्त्री निर्मला सीतारमण र चीनका अर्थ मन्त्रालयका उपमन्त्री वाङ दङवैलगायत अधिकारीसँग अर्थतन्त्र र विकासका विविध आयामबारे छलफल गर्नुभएको हो ।
जी २० का अर्थमन्त्रीहरुको सम्मेलन शुक्रबार र शनिबार भएको थियो । सम्मेलनमा भाग लिन मन्त्री पौडल यही फागुन ११ गते भारत जानुभएको थियो ।
नेपाल जी २० को सदस्य नरहे पनि सम्मेलनमा भाग लिन भारतले नेपाललाई निमन्त्रणा गरेको थियो ।