जनबोली न्यूज नेटवर्क
काठमाडौं । आयोजक न्युजिल्याण्डले विश्वकप क्रिकेटमा लगातार तेस्रो जित हात पारेको छ । शुक्रबार बिहान भएको खेलमा न्युजिल्याण्डले इङल्याण्डलाई ८ विकेटले पराजित गरेको हो ।
इङल्याण्डले दिएको १२४ रनको सामान्य लक्ष्य न्यूजिल्याण्डले १२ ओभरमा २ विकेट गुमाएर पुरा गर्यो ।
इङल्याण्डलाई लज्जास्पद हार चखाउने क्रममा ब्रेण्डम म्याकुलमले २५ बलमा ७ छक्का र ८ चौकाको मद्दतले ७७ रन बनाए भने मार्टिन गुप्तिलले २२ रन जोडे । इङल्याण्डका क्रिस वाक्सले २ विकेट लिए ।
यसअघि टस जितेर पहिले व्याटिङ गरेको इङल्याण्डले ३३.२ ओभरमा सबै विकेट गुमाएर १२३ रन बनाएको थियो ।
इंङल्याण्डका लागि जोय रुटले सर्वाधिक ४६ रन, मोइन अलीले २० रन, इयान मोर्गानले १७ रनको योगदान गरे । न्यूजिल्याण्डका तीव्र गतिका बलर टिम साउदीले ९ ओभरमा ३३ रन खर्चेर ७ विकेट लिए ।
