काठमाडौं । अभिनेत्री मलाइका अरोरा हाल टिभी शो ‘हिप हप इन्डिया’ को दोस्रो सिजनमा निर्णायकको भूमिकामा छिन्। आफ्नो अद्भुत नृत्य शैलीका लागि चर्चित मलाइकाले दर्शकहरूलाई सधैं प्रभावित पार्ने गर्छिन्। तर हालै भएको एक घटनाले उनको ध्यान अर्कैतर्फ खिचिएको छ।
एक १६ वर्षीय प्रतियोगीले प्रस्तुति दिने क्रममा मलाइकालाई नाच्ने संकेत गरेपछि उनी मञ्चमै रिसाइन्। उनले तत्कालै युवकलाई चेतावनी दिँदै आफ्नो असन्तुष्टि प्रकट गरिन्। यो घटनाले दर्शक र सामाजिक सञ्जाल प्रयोगकर्ताहरूको ध्यान तान्यो।
सामाजिक सञ्जालमा यस विषयमा विभाजित प्रतिक्रिया आएका छन्। कतिपयले मलाइकाको प्रतिक्रिया उचित भएको बताएका छन् भने अन्यले उनलाई आलोचना गरेका छन्। एक प्रयोगकर्ताले लेखे, “उहाँले जे भन्नुभयो त्यो ठीक थियो, तर उनको उमेर कति भयो?” अर्काले भने, “मलाइका आफ्नी आमाभन्दा जेठी हुन सक्छिन्!”
यसअघि, मलाइकाले विवाह र महिलाको पहिचानबारे पनि खुलेर बोलेकी थिइन्। अरबाज खानसँगको विवाहपछि सम्बन्ध विच्छेद गरेकी उनले महिलाहरूलाई आत्मनिर्भर बन्न सल्लाह दिएकी थिइन्।
उनको भनाइ अनुसार, “विवाहपश्चात् महिलाहरूले आफ्नो पहिचान जोगाउनुपर्छ। अरू कसैको पहिचानमा विलिन हुनु हुँदैन।” उनले थपिन्, “आत्मनिर्भर बन, आफ्नो बचत गर। विवाह वा सम्बन्ध भए पनि आफ्नो आर्थिक स्वतन्त्रता गुमाउनु हुँदैन।”
