काठमाडौँ। नेकपा एमालेको ११ औं महाधिवेशनमा एक ऐतिहासिक पल आएको छ। सुनसरीकी भगवती चौधरीले खुला महिला तर्फ केन्द्रीय सदस्यका उम्मेदवारहरूमध्ये सबैभन्दा धेरै मत प्राप्त गरेर पार्टीको इतिहासमा नयाँ अध्याय थप्नुभएको छ। २,०४४ मतको सशक्त समर्थन, जसले केवल उहाँको जित मात्र होइन, महिलाको नेतृत्व र शक्ति प्रदर्शनको सन्देश पनि दिइरहेको छ।
यो यात्रा सामान्य थिएन। यसअघि उहाँले नेपाली कांग्रेसका सशक्त उम्मेदवार विजयकुमार गच्छदारलाई हराएर सुनसरीमा इतिहास रच्नु भएको थियो। त्यसपछि उहाँको राजनीतिक यात्रा कत्तिको गहिरो र साहसिक भयो भन्ने कुरा, आजको यो महाधिवेशनले हामीलाई झल्काउँछ। मात्र २,०४४ मतले उहाँलाई सन्देश दिएको छैन, यो केवल एक व्यक्तिगत विजय होइन, यो सम्पूर्ण नेपाली महिलाको विजय हो। यसले हामीलाई याद गराउँछ कि महिलाको स्थान राजनीति र समाजका हरेक क्षेत्रमा अनिवार्य छ र भगवतीज्यू जस्तो महिला नेता, जसले दु:ख र संघर्षको बीचबाट अडिग रहन सिक्नुभयो, त्यसको नजीर प्रस्तुत गर्दैछन्।
जब उँहाले संसदमा महिला, बालबालिका र ज्येष्ठ नागरिक मन्त्रीको रूपमा काम गर्नु भयो, तब उहांले देखाउनुभयो कि नेतृत्व केवल कागजको टुक्रामा लेखिएको होइन, यो जति बलियो हो, उति बढी समाजलाई समेट्न सक्छ। महिलाका लागि उहाँले लिएको जिम्मेवारी केवल कागजी नीतिहरूसम्म सीमित रहेन, बरु उहाँले वास्तविक कार्य गरेर देखाउनुभयो। उहाँको नेतृत्वले देखायो कि परिवर्तन आउन सक्छ, त्यो पनि निडर र अडिग इच्छाशक्ति मार्फत।
चौधरीको यो यात्रा एउटा प्रेरणा हो। एक महिला, जो समाजमा कति पनि सीमित र दबाबमा परेकी थिइन्, आज ती महिलाले सम्पूर्ण पार्टीलाई नयाँ दिशा दिइरहनुभएको छ। उहाँको संघर्ष, उहाँको धैर्य र उहाँको साहस हामी सबैका लागि प्रेरणादायी हो।
यो जीत केवल एक पदको चुनाव जित्नु मात्र होइन, यो एक सांस्कृतिक परिवर्तनको शुरुवात हो। भगवती चौधरीजस्तो नेताले हामीलाई यो सिकाउनुभयो कि प्रत्येक महिलाको आवाज र नेतृत्व समाजका हरेक क्षेत्रमा जरुरी छ। यो हाम्रो सामूहिक विजय हो, र यो एक सशक्त भविष्यको सुरुवात हो।
प्रकाशित मिति : २०८२ पुष ४ गते शुक्रवार
