२३ वैशाख, काठमाडौं । कीर्तिपुरमा भएको बस दुर्घटनामा मुत्यु हुने र घाइते हुनेहरुको पहिचान खुलेको छ । मृत्यु हुनेमा ठेगाना नखुलेका ४२ वर्षीय डा. गोविन्द रिजाल छन् । घाइते हुनेहरुमा बैतडी घर भई कीर्तिपुर बस्दै आएका २४ वर्षीय डम्बर पन्त, २४ वर्षकै बमिला श्रेष्ठ र बसका चालक २७ वर्षीय रमेश धमला छन् ।
पन्तको दाहिने हातमा चोट लागेको छ । श्रेष्ठको टाउको, अनुहारमा चोट लागेको छ । चालक लामाको खुट्टामा चोट लागेको छ । पन्त र श्रेष्ठको कीर्तिपुर अस्पतालमा उपचार भइरहेको छ भने लामाको ट्रमा सेन्टमा उपचार भइरहेको काठमाडौं उपत्यका प्रहरी कार्यालय रानिपोखरीका एसएसपी दिनेशराज मैनालीले जानकारी दिए ।
आइतबार दिउँसो पौन ३ बजे कीर्तिपुरबाट रत्नपार्क रुपमा चल्ने बा ३ ख २०२७ नम्बरको यात्रुबाहक बस कीर्तिपुरस्थित आर्युवेदिक अस्पताल अगाडि दुर्घटना भएको थियो । प्रा.डा. रिजाल त्रिविका प्राध्यापक भएको खुलेको छ ।
