काठमाडौं । वृन्दावनका कथावाचक अनिरुद्धाचार्य हालै युवतीहरूबारे दिएको अभिव्यक्तिका कारण चर्चामा छन्। अब उनले बलिउडमाथि तीव्र आलोचना गरेका छन्। उनले बलिउडको तुलना ब्रिटिश शासनसँग गर्दै आरोप लगाए कि बलिउड चलचित्रहरूले भारतीय संस्कृतिको अपमान गरिरहेका छन्। उनले रणवीर सिंह र अमिताभ बच्चनमाथि पनि जनतालाई भ्रमित पार्ने आरोप लगाए।
बलिउडले देशलाई बिगारेको छ
अनिरुद्धाचार्यले भने कि चलचित्रहरूमा बुहारी–छोरीहरूलाई समाजका लागि अनुपयुक्त लुगा लगाएर देखाइन्छ । जसले युवतीहरूमा नकारात्मक असर पारिरहेको छ। अब छोरीहरू पनि त्यस्तै लुगा लगाउन चाहन्छन्। उनले भने, केवल महिलाहरूको कुरा होइन, पुरुषहरूको निर्वस्त्र हुनु पनि गलत हो। हाम्रो संस्कृतिमा महिलाहरू मात्र होइन, पुरुषहरूले पनि मर्यादाका साथ दुपट्टा लगाउनुपर्छ ।
रणवीर सिंहको उदाहरण दिँदै उनले भने, सभ्य समाजमा यति धनी र प्रसिद्ध व्यक्ति निर्वस्त्र भएर फोटो खिचाउँछ भने के त्यो उचित हो ? के समाजले यस्तो नग्नता विरुद्ध आवाज उठाउनु पर्दैन ?
अमिताभले जनतालाई भ्रमित पारे
अनिरुद्धाचार्यले अमिताभ बच्चनको एक गीतको उल्लेख गर्दै भने, जीवन आवश्यक छ भने मदिरा पनि आवश्यक छ भन्ने सन्देश दिनु गलत हो। यदि बच्चन साहबले यस्तो गीत गाएका छन् भने के उनले आफ्ना सन्तानलाई पनि सानैदेखि चम्चामा रक्सी खुवाउँछन् ? जब उनलाई सोधियो कि चलचित्रहरू त समाजको ऐना हुन्, उनले जवाफ दिए, हामी यसलाई ऐना किन मानौं ? जब सुपरस्टारहरू रक्सी पिउँछन्, हाम्रो बच्चा पनि सिक्छ कि बच्चन साहबले पिउँछन् भने हामी किन नपिउँ ?
उनले रामानन्द सागरको रामायण र श्रीकृष्ण शोको उदाहरण दिँदै भने, त्यो पनि त शो थियो, कति राम्रो थियो। द केरला फाइल्स जस्ता ऐतिहासिक चलचित्रहरू हेर्न रमाइलो लाग्छ। राम्रो देखाउनुहोस्, नग्नता किन बढवा दिनु ।
अश्लीलता थप्ने चलचित्रहरूमा प्रतिबन्ध लगाइनुपर्छ
अनिरुद्धाचार्यले भने, अब तपाईंले ब्लू है पानी पानी जस्तो गीत सुन्नुभएको होला, जहाँ महिलाहरूलाई अर्धनग्न देखाइएको छ। यस्तो चलचित्रहरूमा पूर्ण प्रतिबन्ध लगाइनुपर्छ। उनले हालै महिलाहरूको चरित्रबारे दिएको अभिव्यक्तिको बारेमा पनि बोले र भने कि मिडियाले उनको ६ मिनेटको भिडियोको केवल ३० सेकेन्डको अंश मात्र भाइरल गरेकोले कुरा अधुरो भएको छ । मैले गलत बोलेको छै ।
प्रकाशित मिति : २०८२ साउन २६ गते आइतवार
