काठमाडौं । भाटभटेनी सुपरमार्केटका सञ्चालक मीनबहादुर गुरुङले पछिल्लो आगलागी र तोडफोडबाट भएको क्षतिको बावजुद आफ्ना कर्मचारीको भविष्य सुरक्षित राख्ने दृढता व्यक्त गरेका छन्।
गुरुङले भने, “मसँग आबद्ध भाइबहिनीहरूको भविष्यका लागि लड्नुपर्नेछ। काम गर्न नपाए पनि तलब दिनेछु, भदौको मात्र होइन, दसैँ बोनस पनि पठाउँछौँ।” उनले कर्मचारीहरूलाई परिवारको सदस्यको रूपमा लिने बताए।
प्रारम्भिक अनुमानअनुसार हालको घटनाबाट १५ अर्ब रुपैयाँसम्मको क्षति भएको छ। गुरुङले आगामी ३ महिनाभित्र केही स्टोर सञ्चालनमा ल्याउने र १० महिनाभित्र सबै स्टोर पुनः खुलाउने योजना सुनाएका छन्।
प्रकाशित मिति : २०८२ असोज ३ गते शुक्रवार
