काठमाडौँ । ताप्लेजुङमा सम्पन्न भएको दोस्रो अन्तर क्लबस्तरीय आमन्त्रित पुरुष फुटबल प्रतियोगिताको विजेतालाई नगदको सट्टा एक सय ३१ केजी ९तीन मन ११ किलोग्राम० अलैँची पुरस्कार उपलब्ध गराइएको छ । बिहीबार भएको फाइनल खेलमा गणेशचोक क्लबले हिमाली तोक्पेगोला युथ क्लबलाई १–० गोलअन्तरले हराउँदै यो पुरस्कार हात पार्न सफल भएको हो ।
आयोजक फङ्फङ्देन झरना पर्यटन विकास समितिका अध्यक्ष विजय साँवाले बताए अनुसार विजेता गणेशचोक क्लबले नगद रु तीन लाख दुई हजार ८२ बराबरको अलैँचीसँगै ट्रफी, मेडल र प्रमाणपत्र प्राप्त गरेको छ । बिहीबार ताप्लेजुङमा प्रतिमन ४० किलोग्राम रु ९२ हजारको भाउ अनुसार घोषित नगद पुरस्कार बराबरको अलैँची तौलिएर प्रदान गरिएको हो । त्यसैगरी, उपविजेता तोक्पेगोला युथ क्लबलाई समेत रु एक लाख ५० हजार ८२ बराबरको करिब ६५ किलोग्राम अलैँचीसहित ट्रफी, मेडल र प्रमाणपत्र प्रदान गरिएको थियो ।

