पाल्पा । पाल्पाको रैनादेवी छहरा गाउँपालिका–१ मा जिप दुर्घटना हुँदा तीन जनाको मृत्यु भएको छ। आइतबार राति असारेबाट ठूलोपोखरी जाँदै गरेको लु ३ च २३५७ नम्बरको जिप अनियन्त्रित भई करिब २०० मिटर तल खसेको हो।
दुर्घटनामा जनक रेगामी (२२), दिपेन्द्र बुढा (३६) र चेतनारायण विक (३१) को उपचारका क्रममा ज्यान गएको जिल्ला प्रहरी कार्यालय पाल्पाका डिएसपी सुनिल मल्लले जानकारी दिए।
जिप चालक रञ्जन रेस्मी (२७) र सरोज बुढा (२२) घाइते भएका छन्। उनीहरुको मिसन अस्पताल पाल्पामा उपचार भइरहेको छ।
प्रकाशित मिति : २०८२ बैशाख १५ गते सोमवार
