काठमाडौं । सामाजिक सञ्जालमा फैलिएको भिडियोमा महेश बस्नेतले सुदन गुरुङसँग पार्टी प्रवेश वा सहकार्यबारे कुरा भएको दाबी गरेका छन्। तर सुदन गुरुङले यी सबै आरोप पूर्ण झूट भएको बताएका छन्।
सुदन गुरुङका अनुसार महेश बस्नेतसँग उनले कहिल्यै संवाद गरेका छैनन् र भविष्यमा पनि यस्ता संवाद हुने छैनन्। उनले थपे, “हामी उनलाई मान्यता दिदैनौं र सम्मान पनि गर्दैनौं।”
सन्देशमा महेश बस्नेतलाई चेतावनी दिइएको छ कि गलत दाबी फैलाउनु राष्ट्रिय एकताको विरुद्ध हुने र शहिद र जनताको बलिदानलाई बेवास्ता गर्ने कार्य हो। संविधानले सुरक्षा दिएको छ भने पनि नैतिक रूपमा उनी जवाफदेही हुनेछन्।
सुदन गुरुङले जनतालाई सचेत रहन र बनावटी दाबीमा फस्न नहुने चेतावनी दिएका छन्। उनी र हामी नेपाल संस्थाले सधैं जनताको पक्षमा खडा रहेको उल्लेख गर्दै यस आन्दोलन जनताको भएको स्पष्ट पारेका छन्।
सन्देशमा भनिएको छ, “हामी महेश बस्नेतलाई अस्वीकार गर्छौं। महेश बस्नेत झूठा हुन्। हामी उनका प्रत्येक झूठ, हेरफेर र गलत दाबीलाई अस्वीकार गर्छौं। हामी सधैं जनताको पक्षमा छौं।”
प्रकाशित मिति : २०८२ असोज ४ गते शनिवार
