काठमाडौं । नेपाली बजारमा मंगलबार सुनको मूल्य घटेको छ । नेपाल सुनचाँदी व्यवसायी महासंघका अनुसार आज छापावाला सुन तोलाको ३ सय रुपैयाँले घटेर २ लाख ५३ हजार ३ सय रुपैयाँमा कारोबार भईरहेको छ । अघिल्लो दिन सोमबार पनि सुन तोलाको २ लाख ५३ हजार ६ सय रुपैयाँमा कारोबार भएको थियो ।
त्यस्तै, चाँदीको मूल्य भने बढेको छ । अघिल्लो दिन सोमबार तोलाको ३ हजार ५३५ रुपैयाँमा कारोबार भएको चाँदी मंगलबार बढेर ३ हजार ३४५ रुपैयाँ पुगेको महासंघले जनाएको छ ।
महासंघका अनुसार मंगलबार प्रति १० ग्राम सुनको मूल्य २ लाख १७ हजार १६५ रुपैयाँ र प्रति १० ग्राम चाँदीको मूल्य ३ हजार ३९ रुपैयाँमा कारोबार भईरहेको छ ।
प्रकाशित मिति : २०८२ मङ्सिर १७ गते मङ्गलवार
