काठमाडौं । तिहार (लक्ष्मीपूजा) रात आग्राको खेड़ी गाउँमा भएको एक घटनाले स्थानीयहरू स्तब्ध बनेका छन्। पारिवारिक विवादका कारण एक महिलाले आफ्नै देवरमाथि धारिलो हतियार प्रयोग गरी आक्रमण गरेकी छिन्। घटना भारतको हो।
यो घटना बरहन क्षेत्रको खेड़ी गाउँमा दीपावलीको रात करिब २ बजे भएको हो। प्रारम्भिक अनुसन्धान अनुसार, घरायसी विवादका कारण महिलाले कोठाभित्र पसेर ढोका बन्द गरी देवरमाथि हमला गरेकी थिइन्।
घाइते युवकको अवस्था गम्भीर भएपछि उनलाई सरोजिनी नायडू मेडिकल कलेजमा भर्ना गरिएको थियो, तर उपचार सम्भव नभएपछि दिल्लीस्थित एम्स अस्पतालमा रेफर गरिएको छ।
घटनापछि आक्रमणमा संलग्न भाभी फरार भएकी छन्। प्रहरीका अनुसार महिलाको खोजी भइरहेको छ र घटनाको कारण पत्ता लगाउन विस्तृत अनुसन्धान सुरु गरिएको छ।
पीडित युवक दीपावलीको बिदा मनाउन उत्तराखण्डबाट घर आएका थिए। प्रहरीका अनुसार घटना पारिवारिक पुनर्मिलनकै क्रममा भएको अनुमान गरिएको छ।
प्रकाशित मिति : २०८२ कार्तिक ५ गते मङ्गलवार
