भारतस्थित अमेरिकी दूतावासले डिसेम्बर ११, बिहीबार घोषणा गरेको छ कि यदि पर्यटक भिसा आवेदनको मुख्य उद्देश्य अमेरिकामा बच्चा जन्माएर नागरिकता प्राप्त गर्नु हो भन्ने शंका लाग्यो भने आवेदन अस्वीकार गरिनेछ।
दूतावासले X (पूर्व Twitter) मा जानकारी दिँदै भनेको छ, “यदि अमेरिकी कन्सुलर अधिकारीहरूले यात्राको प्राथमिक उद्देश्य बच्चाको अमेरिकी नागरिकता हो भन्ने विश्वास गर्छन् भने भिसा अस्वीकार गरिनेछ। यो अनुमति छैन।”
अमेरिकी अधिकारीहरूले यसलाई ‘जन्म पर्यटन’ भनेर चिन्ने र यसमार्फत अमेरिका भ्रमण प्रणालीको दुरुपयोग गर्नेहरू भविष्यमा भिसा वा अमेरिकी यात्रा गर्न अयोग्य हुने चेतावनी दिएका छन्।
प्रकाशित मिति : २०८२ मङ्सिर २६ गते बिहिवार
