काठमाडौं । नेपाली बजारमा सोमबार पनि सुनको मूल्य घटेको छ । नेपाल सुनचाँदी व्यवसायी महासंघका अनुसार सोमबार छापावाल सुन तोलामा ६ हजार ५ सय रुपैयाँले घटेर २ लाख ७५ हजार ५ सय रुपैयाँ कायम भएको हो ।
अघिल्लो कारोबार दिन आइतबार छापावाल सुन तोलामा २ लाख ८२ हजार रुपैयाँ कायम भएको थियो । यस्तै सोमबार चाँदीको मूल्य पनि घटेको छ । आइतबार तोलामा ४ हजार ५४० रुपैयाँ कायम भएको चाँदीको मूल्य सोमबार घटेर ४ हजार ४२५ रुपैयाँ कायम भएको महासंघको भनाइ छ ।
प्रकाशित मिति : २०८२ चैत्र ९ गते सोमवार
