काठमाडौं। महिला प्रहरीमाथि यौन दुर्व्यवहारको आरोप लागेका प्रहरी वरिष्ठ उपरीक्षक (एसएसपी) योगबहादुर पाललाई गृह मन्त्रालयले निलम्बन गरेको छ।
प्रहरी प्रधान कार्यालयका केन्द्रीय प्रवक्ता प्रहरी नायब महानिरीक्षक (डिआइजी) कुबेर कडायतले एसएसपी पाललाई ६ महिनाका लागि निलम्बन गरिएको गृहको पत्र प्रहरी प्रधान कार्यालय आइपुगेको पुष्टि गर्नुभयो ।
डिआइजी कडायतले भन्नुभयो, ‘ गृहमन्त्रालयबाट उहालाई ६ महिनाको लागि निलम्बन गरेको पत्र प्राप्त भइसकेको छ। हामीले सम्बन्धित निकायमा पठाइसकेका छौं।’
एसएसपी पाल सुदूरपश्चिम प्रदेश प्रहरी कार्यालयमा कार्यरत हुनुहुन्थ्यो । उहाँलाई निलम्बन गरिएको पत्र प्रहरी प्रधान कार्यालयबाट सम्बन्धित प्रदेश प्रहरी कार्यालयमा पठाइने डिआइजी कडायतले जानकारी दिनुभयो । पालले जेठ १९ गते शुक्रबार आफूलाई दुर्व्यवहार गरेको भन्दै महिला सहायक हवलदारले उहाँविरूद्द उजुरी दिनुभएको थियो ।
