काठमाडौं । सञ्चार जगतकै अग्रणी संगठन प्रेस चौतारी नेपालले साविक नेपालको राजनीतिक नक्सामा गुमेको भूमि समेटेर चुच्चे नक्सा जारी भएको गौरवमय दिन सम्झदै भारतीय अतिक्रमणप्रति खेद प्रकट गरेको छ । दार्चुलाको खलंगामा लगातार दुई दिन बसेको तेश्रो केन्द्रीय समितिको बैठक समापनपछि प्रेस चौतारी नेपालले दार्चुला घोषणा–पत्र २०८० जारी गर्दै यी विषय उल्लेख गरेको हो ।
१५ बुँदे घोषणापत्रको सुरुमा नै भनिएको छ, नेकपा (एमाले)का अध्यक्ष केपी शर्मा ओली प्रधानमन्त्री भएको बेला सूदुरपश्चिम प्रदेश दार्चुला जिल्लामा अवस्थित कालापानी, लिपुलेक र लिम्पियाधुरा क्षेत्र समेटिएको नक्सा जारी गरेको ऐतिहाँसिक र गौरवमय दिनको सम्झना गर्दछ । तर, अझै पनि कालापानी, लिपुलेक र लिम्पियाधुरा क्षेत्रमा सुगौली सन्धी र सीमा सम्बन्धी अन्तराष्ट्रिय कानून बिपरित एकपक्षीय ढङ्गले अतिक्रमण र हस्तक्षेप जारी राखेकोप्रति यो बैठक खेद प्रकट गर्दछ । सम्पूर्ण सीमा सम्बन्धी समस्यालाई द्धिपक्षीय कुटनीतिक वार्ता मार्फत ऐतिहाँसिक तथ्य र प्रमाणका आधारमा तत्काल समाधान गर्न समद्ध पक्षसँग यो बैठक माग गर्दछ ।
